پاکستانی اداکارہ اور مارننگ شو کی میزبان ندا یاسر کو اکثر اپنے شو میں زیر بحث موضوعات کے حوالے سے تنقید کا سامنا کرنا پڑتا ہے۔ اکثر ان کے کانٹینٹ کی وجہ سے تنقید کا نشانہ بنایا جاتا ہے، کبھی رنگ گورا کرنے کی ترکیبیں تو کبھی موٹاپا کم کرنے کے طریقے بتاتی ندا یاسر کو جہاں صارفین تنقید کا نشانہ بناتے ہیں وہیں چند صارفین ایسے بھی ہیں جو ان کو سراہتے نظر آتے ہیں اور ان کی حاضر دماغی کی داد دیتے ہیں۔
ایسے ہی ندا یاسر کے شو ’گڈ مارننگ پاکستان‘ کا ایک کلپ سوشل میڈیا پر وائرل ہوا جس میں انہیں حمزہ علی عباسی کے ہم شکل کے ساتھ سوال و جواب کرتے دیکھا جا سکتا ہے۔
میزبان ندا یاسر سے گفتگو کرتے ہوئے حمزہ کے ہم شکل نے بتایا کہ لوگ مجھے صرف حمزہ عباسی سے نہیں بلکہ جمال شاہ اور انیل کپور سے بھی ملاتے ہیں جس پر ندا یاسر نے ان سے سوال کیا کہ آپ کو کوئی آپ کے والدین سے بھی ملاتا ہے یا نہیں؟ جس پر صارفین کی جانب سے دلچسپ رد عمل کا اظہار کیا جا رہا ہے۔
https://Twitter.com/LostMischievous/status/1763131318865395970?s=20
ایک صارف نے لکھا کہ پہلی بار ندا یاسر نے کوئی اچھی بات کی ہے۔
پہلی بار ندا یاسر نے کوئی چج کی بات کی ہے 😂🤣 https://t.co/7WPzHhnJQB
— PakistaniPeeps (@pakistanipeeps) February 29, 2024
ہما نامی صارف لکھتی ہیں کہ ندا یاسر کبھی مایوس نہیں کرتیں۔
ندا یاسر کبھی مایوس نہیں کرتی 🤣🤣🤣🤣 https://t.co/IQGpg0lXxB
— ہما (@huma_kalsoom7) February 29, 2024
ایک صارف نے لکھا کہ ندا یاسر بہت معصوم ہیں اور بطور میزبان میں انہیں بہت پسند کرتا ہوں کیونکہ وہ متوسط طبقے کی حقیقی نمائندہ ہیں۔ ساتھ ہی انہوں نے لکھا کہ اس ویڈیو نے مجھے بہت ہنسایا۔
This video makes me laugh 😆 ….Nida is very innocent … I like her as host really cuz she is true representative of middle class families … https://t.co/HSLIbhUpaS
— Sindhi-Ajrak (@SindhiDoctrine) March 1, 2024
روحان علی لکھتے ہیں کہ ندا یاسر ٹی وی کی سب سے معصوم میزبان ہیں کیونکہ وہ سیاست اور سیاسی بیان بازی نہیں کرتیں اور نہ ہی ان کی کسی سیاسی جماعت سے وابستگی ہے، وہ سیدھی سیدھی بات کرتی ہیں۔
ٹی وی کی سب سے معصوم ہوسٹ۔
کبھی نہ سیاسی پارٹی سے وابستگی نہ سیاسی بیان نہ سیاست۔
بس سیدھی سیدھی بات کرتی ہے😂— Rohan Ali (@Azlaan121) February 29, 2024
ندا یاسر کی ویڈیو پر تبصرہ کرتے ہوئے ایک صارف نے لکھا کہ کہ یہ تو موئے موئے ہو گیا ہے۔
Moye moye … https://t.co/ava4VYqPST
— Devil's Advocate 𝕏 (@Devil_LLB) February 29, 2024
واضح رہے کہ سوشل میڈیا پر اکثر صارفین کی جانب سے ندا یاسر کو ان کی باتوں کی وجہ سے تنقید کا نشانہ بنایا جاتا ہے۔