عوام نے ووٹ پی ٹی آئی کو دیے لیکن وزیراعظم شہباز شریف بن گئے، خاموش کیسے رہیں، اسد قیصر

پاکستان تحریک انصاف (پی ٹی آئی) کے سینیئر رہنما اسد قیصر نے کہا ہے کہ لوگوں نے ووٹ پی ٹی آئی کو دیے اور وزیراعظم شہباز شریف بن گئے، اس پر ہم کیسے خاموش رہیں۔

نجی ٹی وی سے گفتگو کرتے ہوئے اسد قیصر نے کہاکہ ہم آئین کی بالادستی اور قانون کی حکمرانی کے لیے اسمبلی اور عوام میں جدوجہد کریں گے۔

مزید پڑھیں

• انتخابات میں مبینہ دھاندلی کی تحقیقات، تحریک انصاف نے آئی ایم ایف کو خط لکھ دیا

  

• نواز شریف غدار نہیں، آصف زرداری ملک دشمن نہیں، عمران خان دہشتگرد نہیں، علی محمد خان

  

• ملک میں بغاوت کا خدشہ ہے، شہباز شریف کو وزیرِاعظم نہیں مانتے، رہنما پی ٹی آئی اسد قیصر

  

• ملک’بنانا‘ اسٹیٹ بنتا جا رہاہے، آئین و قانون کی بالادستی کے لیے ملک بھر میں احتجاج کریں گے، اسد قیصر

  

• انتخابات میں مبینہ دھاندلی: پاکستان بار کونسل کا آزاد کمیشن قائم کرنے کا مطالبہ

  

• عمران خان کا انتخابات میں مبینہ دھاندلی پر امریکا سے آواز اٹھانے کا مطالبہ

  

انہوں نے کہاکہ سب سے پہلے ہم نے اس نظام کو تبدیل کرنا ہے، آئندہ حکومت ہماری ہوگی اور ہم ملک میں صاف و شفاف انتخابات کرائیں گے۔

اسد قیصر نے کہاکہ عمران خان کسی سے انتقام لینے کا ارادہ نہیں رکھتے، وہ کہہ چکے ہیں کہ فتح مکہ ماڈل پر جائیں گے۔

پی ٹی آئی رہنما نے کہاکہ دھاندلی کے خلاف ہم سب دروازے کھٹکھٹائیں گے ہمارے پاس اور کیا آپشن ہے۔

’مولانا کے ساتھ ہمارے فاصلے بہت طویل ہیں‘

ایک سوال کے جواب میں اسد قیصر نے کہاکہ مولانا فضل الرحمان کے ساتھ ہمارے فاصلے طویل ہیں، انہیں وقت کے ساتھ کم کرنے کی کوشش کریں گے۔

واضح رہے کہ پاکستان تحریک انصاف 8 فروری کو ملک میں ہونے والے عام انتخابات کو دھاندلی زدہ قرار دے رہی ہے۔ ان کا دعویٰ ہے کہ وہ 180 نشستیں جیتے ہوئے تھے، الیکشن کمیشن نے مبینہ دھاندلی سے ہرایا ہے۔

دوسری جانب شہباز شریف نے اتحادیوں سے مل کر حکومت بنا لی ہے اور بحیثیت وزیراعظم حلف اٹھا لیا ہے۔