آسٹریلیا سے تعلق رکھنے والی کرکٹ پریزینٹر ایرن ہالینڈ ان دنوں پاکستان سپر لیگ سیزن 9 کی میزبانی کے فرائض سرانجام دے رہی ہیں اور ساتھ ہی پاکستان کے مختلف شہروں کے خوب سیر سپاٹے بھی کرتی دکھائی دے رہی ہیں۔
مزید پڑھیں
حال ہی میں انہوں نے پاکستان کے سب سے بڑے شہر کراچی کا رخ کیا اور رکشہ میں شہر کے مختلف علاقے دیکھے۔
انہوں نے اپنے اس رکشہ ٹور کی تصویر انسٹا گرام پر شیئر کی ہے۔ اس تصویر سے اندازہ لگایا جا سکتا ہے کہ انہیں کراچی میں رکشے کی سواری بے حد پسند آئی ہے۔
ایرن ہالینڈ نے اپنی تصویر کے کیپشن میں اپنے فالوورز کو بھی اپنے ساتھ گھومنے پھرنے کی دعوت دی ہے اور لکھا ہے، ’آؤ بیٹھو، چلیں۔‘
View this post on Instagram
ایرن ہالینڈ کو پاکستان میں گھومنا پھرنا اچھا لگتا ہے اور وہ پاکستان کے مشہور علاقوں کے بارے میں اکثر ہی سوالات پوچھتی نظر آتی ہیں۔
ایرن ہالینڈ نے اس سے قبل تاریخی شہر ملتان میں حضرت شاہ رکن عالم کے مزار کا دورہ کیا تھا اور اپنی کچھ تصاویر شیئر کی تھیں۔
View this post on Instagram
ایک تصویر کے کیپشن میں ایرن نے لکھا تھا، ’جب آپ گوگل میں لکھتے ہیں کہ ملتان میں کیا دیکھا جائے تو سب سے پہلے حضرت شاہ رکن عالم کے مزار کی تصویر سامنے آتی اور واقعی یہاں آکر بالکل بھی مایوسی نہیں ہوئی۔‘
View this post on Instagram
واضح رہے ایرن ہالینڈ معروف آسٹریلوی کھلاڑی بین کٹنگ کی اہلیہ ہیں اور ماڈلنگ بھی کر چکی ہیں۔ وہ 2013 میں مس ورلڈ آسٹریلیا کا ٹائٹل اپنے نام کر چکی ہیں۔
ایرن پی ایس ایل سیزن 4، 5 7 اور 8 کے میچز بھی کور کر چکی ہیں۔ ان کا منفرد انداز پاکستانیوں کو خوب پسند ہے اور وہ وقتاً فوقتاً پاکستان سے اپنی محبت کا اظہار کرتی رہتی ہیں۔
