صدر مملکت عارف علوی کے اعزاز میں الوداعی گارڈ آف آنر پیش کردیا گیا

صدر مملکت عارف علوی کے اعزاز میں الوداعی گارڈ آف آنر پیش کیا گیا، ایوان صدر میں الوداعی گارڈ آف آنر کی تقریب ہوئی، صدر مملکت کو مسلح افواج کے دستے نے گارڈ آف آنر پیش کیا۔

ایوان صدر میں صدر عارف علوی کے اعزاز میں الوداعی گارڈ آف آنر کی تقریب منعقد ہوئی، مسلح فوجی دستوں نے صدر عارف علوی کو گارڈ آف آنر پیش کیا، صدر عارف علوی نے الوداعی گارڈ آف آنر کا معائنہ کیا اور ایوان صدر کے عملے کے ساتھ فرداً فرداً مصافحہ کیا۔

خیال رہے صدر مملکت ڈاکٹر عارف علوی کل اپنے عہدے سے سبکدوش ہو جائیں گے، اس لیے ایوان صدر میں ان کے اعزاز میں الوداعی گارڈ آف آنر دیا گیا۔

واضح رہے نئے صدر کے انتخاب کے بعد موجودہ صدر مملکت ڈاکٹر عارف علوی کل اپنے عہدے سے سبکدوش ہو جائیں گے۔

ڈاکٹر عارف علوی نے ستمبر 2018 کو صدر پاکستان کی حیثیت سے حلف اٹھایا تھا اور ان کے عہدے کی 5 سالہ آئینی مدت گزشتہ سال ستمبر میں مکمل ہوچکی تھی تاہم الیکشن پراسس میں تاخیر کے باعث ان کو 6 ماہ سے زائد کا اضافی وقت ملا۔ انہوں نے 2018 کوصدر کی حیثیت سے حلف اٹھایا تھا،

یاد رہے کہ نئے صدر مملکت کا انتخاب کل ہوگا جس کے لیے حکومتی اتحاد کی جانب سے سابق صدر آصف علی زرداری جب کہ سنی اتحاد کونسل کی جانب سے محمود خان اچکزئی امیدوار ہیں۔