لاہور کی انسدادِ دہشت گردی عدالت نے زمان پارک پولیس آپریشن کے دوران جلاؤ گھیراؤ کے مقدمے میں صحافی عمران ریاض کی ضمانت منظور کرلی ہے۔
مزید پڑھیں
انسدادِ دہشت گردی عدالت کے جج ارشد جاوید نے عمران ریاض کی درخواست ضمانت پر سماعت کی۔ سرکاری وکیل نے درخواست ضمانت کی مخالفت کی اور درخواست کو خارج کرنے کی استدعا کی جبکہ عمران ریاض کے وکلا نے مقدمے کو جھوٹا اور بے بنیاد قرار دیا اور درخواست ضمانت منظور کرنے کی استدعا کی۔
انسدادِ دہشت گردی عدالت نے 2 لاکھ کے ضمانتی مچلکے جمع کرانے پر مقدمے میں صحافی عمران ریاض کی ضمانت منظور کرتے ہوئے انہیں رہا کرنے کا حکم دے دیا۔
