دنیا بھر میں رمضان کی آمد پر ماہ مبارک کی برکتوں کے نزول کا آغاز ہوجاتا ہے جس کا ایک اثر امریکا میں بھی دیکھا گیا جب 11 مارچ کو پہلے روزے کے موقعے پر معروف امریکی مصنف جیفری شان کنگ اپنی اہلیہ سمیت حلقہ بگوش اسلام ہوگئے۔
جیفری شان کنگ اور ان کی اہلیہ رائے کنگ نے امریکی عالم دین عمر سلیمان کے ہاتھ پر اسلام قبول کیا۔
مزید پڑھیں
امریکی مصنف کا صحافت میں بھی ایک طویل کیریئر ہے اور انہوں نے کئی معروف مطبوعات کے لیے لکھا ہے۔ وہ سماجی سرگرمی کی دنیا میں ایک بڑا نام ہیں اور سماجی تحریک ’بلیک لائیوز میٹر‘ پر اپنے کام کے حوالے سے بھی امریکا بھر میں جانے جاتے ہیں۔
Writer and activist Shaun King and his wife have embraced Islam.
Allahu Akbar. pic.twitter.com/lIaHJkS2qr
— ilmfeed (@IlmFeed) March 11, 2024
جیفری شان کنگ ایک پادری بھی تھے جنہیں سنہ 2008 میں ایک چرچ ملا جس کی انہوں نے 4 برس سربراہی کی۔
وہ 7 اکتوبر سے فلسطینی کاز اور غزہ کی نسل کشی کے حوالے سے بھی کافی سرگرم ہیں اور امریکا میں ہونے والے بہت سے احتجاجی پروگرامز کا حصہ بھی رہے ہیں۔
ان کے 5 بچے ہیں جن میں سے 2 کو گود لیا گیا ہے۔ اس کے علاوہ ان کے رضاعی بچے بھی ہیں اور وہ اپنے بھانجوں اور بھانجیوں کے بھی قریب ہیں۔
