پاکستان کی سپر ہٹ فلم دی لیجنڈ آف مولا جٹ میں استعمال ہونے والا گنڈاسا کینیڈا میں ایک فنڈ اکٹھا کرنے کی تقریب میں پچاس ہزار ڈالر میں نیلام کر دیا گیا۔
دی لیجنڈ آف مولا جٹ میں مرکزی کردار معروف پاکستانی اداکار فواد خان نے ادا کیا تھا۔
فواد خان نے ٹورنٹو میں سہارا فار لائف ٹرسٹ اسپتال کی ایک تقریب میں بطور مہمان خصوصی شرکت کی جس میں انھوں نے گنڈاسا نیلام کیا۔
تقریب کے دوران میں فلم میں استعمال ہونے والی بندوقوں کو بھی نیلام کیا گیا ، وہ بھی ایک پاکستانی نے خریدیں۔
پاکستانی فلم دی لیجنڈ آف مولا جٹ اب تک 209 کروڑ روپے کما چکی ہے اور تاحال سینیما گھروں کی زینت بنی ہوئی ہے۔