صدر مملکت آصف زرداری اور وفاقی وزیر داخلہ محسن نقوی نے حکومتی خزانے سے تنخواہ نہ لینے کا فیصلہ کیا ہے۔
ایوان صدر کے پریس ونگ کے مطابق صدر مملکت آصف زرداری ملک کو درپیش معاشی چیلینجز کے پیش نظر اپنی خدمات کے بدلے سرکاری خزانے سے تنخواہ نہیں لیں گے۔
صدر مملکت آصف علی زرداری کا اپنی تنخواہ نہ لینے کا فیصلہ
صدرمملکت نے فیصلہ درپیش معاشی چیلنجز کے پیش ِنظر کیا
صدر آصف زرداری کے فیصلے کا مقصد ملک میں دانشمندانہ مالیاتی انتظام کی حوصلہ افزائی کرناہے
صدرمملکت نے قومی خزانے پر بوجھ نہ ڈالنے کافیصلہ کیا،تنخواہ نہ لینے کو ترجیح دی
— The President of Pakistan (@PresOfPakistan) March 12, 2024
صدر آصف زرداری کے فیصلے کا مقصد ملک میں دانشمندانہ مالیاتی انتظام کی حوصلہ افزائی کرنا ہے، صدر مملکت نے قومی خزانے پر بوجھ نہ ڈالنے کا فیصلہ کرتے ہوئے تنخواہ نہ لینے کو ترجیح دی۔
وزیرداخلہ محسن نقوی بھی تنخواہ نہیں لیں گے
دوسری جانب سابق نگراں وزیراعلیٰ پنجاب اور موجودہ وفاقی وزیر داخلہ محسن نقوی نے بھی حکومتی خزانے سے تنخواہ نہ لینے کا فیصلہ کیا ہے۔
Alhamdulillah, honored to serve the nation as Federal Minister of Interior and Narcotics Control. Decided to forego my salary during this tenure. In these challenging times, committed to supporting and serving our nation in every possible way.
— Mohsin Naqvi (@MohsinnaqviC42) March 12, 2024
وزیرداخلہ محسن نقوی نے سوشل میڈیا سائٹ ایکس پر اپنے پیغام میں کہا ہے کہ وفاقی وزیر داخلہ اور نارکوٹکس کنٹرول کی حیثیت سے قوم کی خدمت کرنے کا اعزاز حاصل ہوا ہے، اس مدت کے دوران اپنی تنخواہ چھوڑنے کا فیصلہ کیا ہے۔
محسن نقوی، جو پہلے ہی پاکستان کرکٹ بورڈ کے چیئرمین بھی ہیں، کا کہنا ہے کہ وہ اس مشکل وقت میں ہر ممکن طریقے سے اپنی قوم کی حمایت اور خدمت کے لیے پرعزم ہیں۔
