ایف آئی اے سائبر کرائم سرکل پشاور نے بچوں کے ساتھ جنسی زیادتی اور استحصال میں ملوث گینگ کے خلاف کارروائی کرتے ہوئے گینگ کے سرغنہ اعجاز کو گرفتار کرلیا، ایف آئی اے نے ملزم کو پشاور سے گرفتار کیا۔
مزید پڑھیں
ترجمان ایف آئی اے کا کہنا تھا کہ ملزم کے زیر استعمال ڈیوائسز سے قابل اعتراض ویڈیوز برآمد کرلی گئی ہیں، مذکورہ گروہ نابالغوں کو گن پوائنٹ پر پکڑتے اور پھر متاثرہ بچوں کی قابل اعتراض ویڈیوز بناتے تھے۔
ترجمان کے مطابق ملزمان مذکورہ ویڈیوز کو سرعام شیئر کرنے کی دھمکی دے کر بچوں کا مزید استحصال کرنے کے لیے استعمال کرتے تھے۔ ملزم کو گرفتار کرکے تفتیش کا آغاز کردیا گیا ہے۔
ترجمان ایف آئی اے کے مطابق مرکزی ملزم گرفتار ہوچکا ہے، جبکہ دیگر ملزمان کی گرفتاری کے لیے چھاپے مارے جارہے ہیں۔
