وزیراعظم شہباز شریف کو مینڈیٹ چور قرار دے کر ان کے حلف میں شرکت سے انکار کرنے والے خیبرپختونخوا کے وزیرِ اعلیٰ علی امین گنڈا پور نے اسلام آباد میں وزیراعظم شہباز شریف سے ملاقات کی اور اسے مثبت بھی قرار دیا جسے تحریک انصاف کے اپنے حلقوں کی جانب سے سخت تنقید کا سامنا ہے اور اس پر دلچسپ میمز بھی بن رہی ہیں۔
پاکستان تحریک انصاف کے رہنما حماد اظہر نے کہا کہ علی امین گنڈا پور کی شہباز شریف سے ملاقات اور میڈیا ٹاک کو یہ نہ سمجھا جائے کہ عمران خان یا عوام کی مینڈیٹ چوری پر کوئی سمجھوتہ ہوسکتا ہے۔ علی امین اوّل تو ایسا کبھی کرے گا نہیں اور اگر کیا تو وہ خود جانتا ہے کہ جماعت اور عوام کے کیا جذبات ہیں۔ ہمارے ہزاروں لوگ اس وقت ناحق قید ہیں اور آدھی قومی اور پنجاب اسمبلی جعلی ہے۔ یہ کوئی چھوٹی بات نہیں۔
علی امین کی ملاقات اور میڈیا ٹاک کو یہ نا سمجھا جائے کے عمران خان یا عوام کی مینڈیٹ چوری پر کوئی سمجھوتہ ہو سکتا ہے۔ علی امین اول تو ایسا کبھی کرے گا نہیں اور اگر کیا تو وہ خود جانتا ہے کے جماعت اور عوام کے کیا جذبات ہیں۔ ہمارے ہزاروں لوگ اس وقت ناحق قید ہیں اور آدھی قومی اور…
— Hammad Azhar (@Hammad_Azhar) March 14, 2024
تحریک انصاف کی حمایت یافتہ صارف عائشہ خان لکھتی ہیں کہ علی امین گنڈا پور نے مینڈیٹ چوروں سے مل کر غلط کیا ہے۔
علی امین نے مینڈیٹ چوروں سے مل کر غلط کیا 😏 https://t.co/6fh5MrIkF1
— Aisha khan 🇵🇰 کپتان کی شیرنی🏏 (@ayesha_aishu8) March 13, 2024
رکن پنجاب اسمبلی حنا پرویز بٹ نے علی امین گنڈا پور کو تنقید کا نشانہ بناتے ہوئے کہا کہ کہاں گئی اکڑ اور دھمکیاں؟
کہاں گئی اکڑ اور دھمکیاں؟؟ pic.twitter.com/FKvv2PcLDm
— Hina Parvez Butt (@hinaparvezbutt) March 13, 2024
ایک صارف نے کہا کہ خیبر پختونخوا کے وزیراعلیٰ علی امین گنڈاپور نے وزیراعظم شہباز شریف کو مینڈیٹ چور قرار دے کر ان کے حلف میں شرکت سے انکار کیا لیکن آج انہوں نے شہباز شریف سے ملاقات کرلی، کیا علی امین گنڈا پور نے یوٹرن لیا یا وزیراعظم سے ملاقات ایک اچھا فیصلہ تھا؟
خیبر پختونخوا کے وزیراعلیٰ علی امین گنڈاپور نے وزیراعظم شہباز شریف کو مینڈیٹ چور قرار دیکر ان کے حلف میں شرکت سے انکار کیا لیکن آج انہوں نے شہباز شریف سے ملاقات کر لی ، کیا گنڈاپور نے یوٹرن لیا یا وزیراعظم سے ملاقات ایک اچھا فیصلہ تھا؟ #CapitalTalk pic.twitter.com/UJmiHGmtF4
— I am (❤Pashteen❤) (@Shafi_Social_DR) March 14, 2024
اکرام اللہ نسیم نے سوال کیا کہ کیا علی امین گنڈا پور وزیر اعظم شہباز شریف سے ملاقات کے بعد نااہلی سے بچ جائیں گے ؟
کیا علی امین گنڈا پور وزیر اعظم شہباز شریف سے ملاقات کے بعد نااہلی بچ جائیں گے ؟ pic.twitter.com/sn8Yz0clVw
— Ikramullah Naseem (@realikramnasim) March 13, 2024
جہاں کئی صارفین نے اس ملاقات پر تنقید کی وہیں چند صارفین ایسے بھی تھے جنہوں نے اس ملاقات پر مزاح کا سہارا لیا۔ مسعود عثمانی نے کہا کہ شرط لگا لیں علی امین گنڈا پور کو شہباز شریف نے 2 مہینے اور پیسے نہ دئیے تو یہ قالین بیچنا شروع کردے گا۔
شرط لگا لیں گنڈا پور کو شہباز شریف نے دو مہینے اور پیسے نا دئیے تو یہ قالین بیچنے شروع کردے گا pic.twitter.com/Y2wN3d9KWg
— 𝑴𝒂𝒔𝒐𝒐𝒅 𝑼𝒔𝒎𝒂𝒏𝒊 (@MasoodUsmani5) March 13, 2024
علی نامی صارف نے لکھا کہ صوبہ کنگال کر بیٹھیں میاں صاحب،اللہ بھلا کرے۔
صوبہ کنگال کر بیٹھیں میاں صاحب،اللہ بھلا کرے۔😭🫱 pic.twitter.com/EemPpPFH4x
— Ali-3•0 (@AliAxhar3) March 13, 2024
واضح رہے کہ الیکشن کمیشن نے علی امین گنڈا پور کی نااہلی کی درخواست سماعت کے لیے منظور کرتے ہوئے وزیر اعلیٰ خیبر پختونخوا علی امین گنڈا پور کو 26 مارچ کو ڈسٹرکٹ الیکشن کمشنر کے سامنے پیش ہونے کے لیے نوٹس جاری کر دیا۔
