الیکشن کمیشن آف پاکستان کی جانب سے جاری وضاحتی بیان میں کہا گیا ہے کہ چیف الیکشن کمشنر آف پاکستان سکندرسلطان راجا کے بارے میں یہ گمراہ کن افواہ کہ اُن کو کسی باہر کے ملک کا سفیر بنایا جا رہا ہے، بالکل بے بنیاد ہے۔ نہ ہی حکومت نے اُن کو ایسی کوئی آفر کی ہے اور نہ ہی اُن کا ایسا ارادہ ہے۔
مزید پڑھیں
وضاحتی بیان میں کہا گیا ہے کہ وہ اپنی مدت مکمل کرنے کے بعد بھی پاکستان ہی میں رہیں گے، وہ کسی بھی بیرون ملک اسائنمنٹ کے طلب گار نہیں ہیں، لہذا ایسی افواہیں پھیلانے اور اسے آگے بڑھانے والوں کو تنبیہ کی جاتی ہے کہ وہ ذمہ داری کا مظاہرہ کریں ورنہ ان کے خلاف قانونی کارروائی کی جائے گی۔
مزید یہ کہ چیف الیکشن کمشنر ایسے شرپسند عناصر کا مقابلہ کرنا بخوبی جانتے ہیں۔
