سینیٹ انتخابات: الیکشن کمیشن نے کاغذات نامزدگی جمع کرانے کا وقت بڑھا دیا

الیکشن کمیشن آف پاکستان نے سینیٹ کے امیدواروں کی سہولت کے لیے کاغذات نامزدگی جمع کروانے کے وقت میں توسیع کردی ہے۔ امیدوار اپنے کاغذات نامزدگی متعلقہ ریٹرننگ افسران کے پاس آج شام 6 بجے تک جمع کروا سکتے ہیں۔

الیکشن کمیشن نے سینیٹ الیکشن کے لیے کاغذات نامزدگی جمع کرانے کے وقت میں اضافے کا نوٹیفکیشن جاری کردیا، جس کے مطابق امیدواروں کو کاغذات جمع کرانے کی مہلت شام 6 بجے تک بڑھا دی گئی ہے۔

الیکشن کمیشن کے مطابق کاغذات نامزدگی آج شام 6 بجے تک جمع کرائے جاسکیں گے، کاغذات نامزدگی متعلقہ ریٹرننگ افسر کے پاس جمع کروائے جاسکیں گے۔

ترجمان الیکشن کمیشن کے مطابق سینیٹ انتخابات کے لیے کاغذات نامزدگی جمع کرانے کا آج آخری دن ہے۔

واضح رہے مختلف سیاسی جماعتوں کی جانب سے سینیٹ انتخابات میں حصہ لینے کے لیے کاغذات نامزگی جمع کرائے جا چکے ہیں تاہم الیکشن کمیشن نے وقت میں توسیع کردی ہے۔ جو لوگ جمع نہیں کرا سکے انکو آج شام 6 بجے کی مہلت دی گئی ہے۔