گزشتہ چند روز سے بھارتی میڈیا کی جانب سے یہ خبریں سامنے آ رہی تھیں کہ بالی وڈ کے اداکار امیتابھ بچن کو سانس لینے میں تکلیف کی شکایت کے سبب ممبئی کے کوکیلا بین اسپتال میں داخل کرایا گیا ہے۔ ایک بھارتی چینل نے یہ دعویٰ کیا تھا کہ امیتابھ بچن کوکیلا بین اسپتال میں ٹانگ کی انجیوگرافی کے لیے پہنچے تھے۔ خبریں وائرل ہونے کے بعد ان کے مداح پریشان ہوگئے تھے اور اداکار کے لیے صحت کی پرارتھنا کرنے لگے تھے۔
لیکن اب بالی وڈ لیجنڈ اداکار امیتابھ بچن نے اسپتال میں داخل ہونے اور اپنی انجیوگرافی کی خبروں کی تردید کردی اور انہیں ’جعلی خبر‘ قرار دے دیا۔
فیکٹ چیک
انڈین اسٹریٹ پریمیئر لیگ کے فائنل میچ کے بعد اسٹیڈیم سے باہر نکلنے کے دوران ایک صحافی نے امیتابھ بچن کو روک کر ان کی صحت کے بارے میں سوال کیا، جس پر امیتابھ بچن نے بتایا کہ وہ بالکل خیریت سے ہیں، بعد میں صحافی کو پہچانتے ہوئے انہوں نے کہا کہ ’فیک نیوز‘ اور پھر مسکراتے ہوئے وہاں سے چلے گئے۔
View this post on Instagram
جیسے ہی امیتابھ کی یہ ویڈیو وائرل ہوئی ان کے مداحوں نے اس پر خوشی کا اظہار کیا۔ سمرن نامی صارف نے لکھا کہ امیتابھ بچن صبح اسپتال میں داخل تھے لیکن اب وہ بھرپور توانائی کے ساتھ واپس آئے ہیں۔
ایک صارف نے سوال کیا کہ یہ ’فیک نیوز‘ کس نے پھیلائی ہے؟
ایک صارف نے امیتابھ بچن کی ویڈیو پر خوشی کا اظہار کرتے ہوئے لکھا کہ بگ بی کو واپس اسی طرح دیکھ کر اچھا لگا۔
واضح رہے کہ امیتابھ نے اپنے بیٹے اداکار ابھیشیک بچن کے ساتھ انڈین اسٹریٹ پریمیئر لیگ کے فائنل میچ میں شرکت کی تھی جہاں وہ ماجھی ممبئی اور کوکلتہ ٹائیگرز کے درمیان ہونے والے فائنل میچ کو دیکھ کر خوب لطف اندوز ہو رہے تھے۔
