وہ اداکار جس نے اپنی پہلی ہی فلم میں بھاری معاوضہ لینے کا ریکارڈ توڑ دیا

فلمی ستارے، خصوصاً سینیئر اداکار خوب پیسہ کماتے ہیں لیکن گلیمر کی اس دنیا میں نئے آنے والوں کو فلموں میں کام کا کوئی خاص معاوضہ نہیں ملتا۔ نئے آنے والوں کو عام طور پر خود کو ثابت کرنا پڑتا ہے۔ اپنی اداکاری کے بل بوتے پر کامیابی حاصل کرکے ہی وہ زیادہ پیسہ کمانے کے قابل ہو پاتے ہیں۔

پہلی فلم ’روڈ ہاؤس‘ میں کیا خاص ہے؟

جی ہاں، ہم بات کر رہے ہیں کونر میک گریگور کی۔ گو کہ اپنی پہلی فلم میں کام کرنے سے قبل وہ کھیلوں کی دنیا میں خاصی شہرت رکھتے تھے اور ان کا شمار سب سے زیادہ معاوضہ لینے والے ایتھلیٹس میں ہوتا ہے، لیکن یہ بھی ایک حقیقت ہے کہ وہ ایک نو آموز اداکار ہیں۔

کونر میک گریگور کی اس پہلی فلم کا نام ’روڈ ہاؤس‘ ہے جو 21 مارچ (ہفتے) کو دنیا بھر میں ریلیز کی جا رہی ہے۔ اس فلم میں ان کے ساتھ سینیئر ہالی ووڈ اداکار جیک گیلن ہال جلوہ گر ہوں گے۔

ڈوائن جانسن کا ریکارڈ توڑنے ولے کونر میک گریگور آخر ہیں کون؟

2022ء میں، جب کونر میک گریگور اس فلم کی شوٹنگ میں مصروف تھے تو اس وقت انہوں نے ایک ٹویٹ میں دعویٰ کیا تھا کہ انہیں اس فلم میں کام کا معاوضہ 7.6 سے 12.7 ملین ڈالر ملا ہے۔ ان کے اس دعوے کا مطلب ہے کہ انہوں نے معروف ایکٹر ڈوائن جانسن کا اپنی پہلی فلم ’دی ممی ریٹرنز‘ میں 6.9 ملین ڈالر معاوضہ وصول کرنے کا ریکارڈ توڑ دیا ہے۔

واضح رہے کہ کونر میک گریگور ایک آئرش پروفیشنل باکسر اور مکسڈ مارشل آرٹس آرٹسٹ ہیں۔ وہ مختلف کیٹیگریز میں یو ایف سی ورلڈ چیمپیئن بھی رہ چکے ہیں۔ 2021ء میں ’فوربز‘ نے انہیں 180 ملین ڈالر کمائی کے ساتھ دنیا کا سب سے زیادہ معاوضہ حاصل کرنے والا ایتھلیٹ قرار دیا تھا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں