پاکستان تحریک انصاف پنجاب کی صدر ڈاکٹر یاسمین راشد نے کہا ہے کہ جمہوریت کا راگ الاپنے والی ن لیگ پنجاب کو بادشاہت کی طرز پر چلا رہی ہے۔
جیل سے جاری کیے گئے اپنے ایک بیان میں یاسمین راشد نے کہاکہ مریم نواز اپنی کہی بات کہ ہم حکمران خاندان ہیں، کو سچ ثابت کر رہی ہے۔
انہوں نے سوال اٹھایا کہ مریم نواز نے اپنے والد سے پنجاب کابینہ کے اجلاس کی صدارت کس حیثیت میں کروائی۔
یاسمین راشد نے کہاکہ مریم نواز یہ بتانا چاہتی تھیں کہ وہ اور ان کا خاندان آئین و قانون سے بالاتر ہیں۔
مزید پڑھیں
پی ٹی آئی رہنما نے کہاکہ پنجاب سے ایک آئینی وزیراعلیٰ خیبرپختونخوا کے وارنٹ گرفتاری جاری کروا کر صوبوں میں تصادم پیدا کرنے کی کوشش کی گئی۔
انہوں نے کہاکہ ملک میں افراتفری، بے چینی اور بے یقینی کی صورتحال ہے، عدلیہ سے امید ہے کہ وہ ان حالات پر نوٹس لے گی۔
واضح رہے کہ ڈاکٹر یاسمین راشد پر سانحہ 9 مئی کی منصوبہ بندی کا الزام ہے اور وہ اس وقت جیل میں قید ہیں۔
ڈاکٹر یاسمین راشد نے جیل سے قائد پاکستان مسلم لیگ ن نواز شریف کے خلاف الیکشن لڑا اور وہ دوسرے نمبر پر رہیں۔
