پاکستانی اور بھارتی شائقین میں مقبول ترین ڈرامہ، کرائم اور ایکشن سے بھرپوراب تک کی سب سے زیادہ انتظار کی جانے والی ویب سیریز مرزا پور 3 کا باضابطہ اعلان کر دیا گیا ہے۔
ایمازون پرائم کے انسٹا گرام اکاؤنٹ کے مطابق ’مرزاپور 3‘ کی پہلی جھلک 19 مارچ کو ایک شاندار تقریب میں جاری کی گئی۔ تیسرے سیزن میں علی فضل، پنکج ترپاٹھی اور شویتا ترپاٹھی سمیت دیگر ستارے جلوہ گر ہوں گے۔
View this post on Instagram
ایکشن سے بھرپور یہ ویب سیریز پہلی مرتبہ 2018 میں ریلیز ہوئی تھی۔ اپنی منفرد اسٹوری کے باعث پاکستان اور بھارت کی مقبول ترین ویب سیریز بن گئی۔ اس سے قبل اس کے دو سیزن آچکے ہیں جبکہ تیسرے سیزن کا شائقین کو گزشتہ 4 برس سے شدید انتظار تھا۔
سیزن 3 کی لانچنگ تقریب میں گفتگو کرتے ہوئے اداکار علی فضل نے کہا کہ ’مرزا پور 3‘ اپنے ڈیبیو سیزن کی طرح جوہر برقرار رکھے گی، جہاں نئے کردار متعارف کروائے جائیں گے وہیں کچھ پرانے بچھڑجائیں گے۔
مرزاپور 3‘ کی شوٹنگ مہینوں پہلے مکمل ہوئی تھی۔ تب سے شائقین اس کی ریلیز کے اعلان کا انتظار کر رہے ہیں۔ سیریز کا پہلا سیزن 16 نومبر 2018 کو ریلیز ہوا تھا جس کے بعد اس نے بھرپور مقبولیت حاصل کی تھی جبکہ اس کا دوسرا سیزن اکتوبر 2020 میں آیا۔
مرزا پور کی پہلی جھلک دیکھنے کے بعد مداح اس سیریز کے ریلیز ہونے کی تاریخ کا شدت سے انتظار کر رہے ہیں۔
