شہر قائد کے علاقے نارتھ کراچی کی بلال کالونی میں ڈکیتی مزاحمت پر نوجوان کو گولیاں مار کر قتل کردیا گیا۔
میڈیا رپورٹس کے مطابق سپرنٹنڈنٹ آف پولیس فیصل نور نے بتایا ہے کہ ملزمان نوجوان (جو مارا گیا) کے برابر والی دکان سے واردات کرکے فرار ہو رہے تھے کہ اس نے انہیں پکڑنے کی کوشش کی۔
مزید پڑھیں
فیصل نور نے مزید بتایا کہ جونہی عبدالرحمان نے ملزمان کا پیچھا کیا تو انہوں نے فائر کھول دیا۔
انہوں نے کہاکہ قتل ہونے والے عبدالرحمان کا تعلق لیاری سے ہے جس کی عمر 24 سال بتائی جا رہی ہے۔
دوسری جانب مقتول کے بھائی نے کہاکہ ظالموں نے ہم سے ہمارا بھائی چھین لیا ہے، جب تک قاتلوں کو گرفتار نہیں کرلیا جاتا تدفین نہیں کریں گے۔
انہوں نے اعلیٰ حکام سے قاتلوں کی فی الفور گرفتاری کا مطالبہ کیا ہے۔