بھارتی ریاست اترپردیش میں ہولی کے تہوار کے موقع پر مسلمان خاندان کو گھیر کر اس پر زبردستی ہولی کا رنگ پھینکنے والے ملزم کو گرفتار کرلیا گیا ہے۔
سوشل میڈیا پر جاری ایک ویڈیو میں دکھایا گیا ہے کہ ایک مسلمان خاندان کو ہندو نوجوانوں کے ایک گروپ نے گھیرا ہوا ہے، مسلمان خاندان کے منع کرنے کے باوجود ہندو نوجوان اس پر پانی اور ہولی کے رنگ چھڑک رہے ہیں۔
The video from Bijnor shows a group of men forcefully applying Holi colours to a Muslim man and two women while harassing them amid religious chants. This is what happens when a chief minister openly flaunts his bigotry towards minorities. pic.twitter.com/qZOJsJN0J0
— Ismat Ara (@IsmatAraa) March 24, 2024
ہولی کے رنگ پھینکنے پر احتجاج کے باوجود حملہ آور نوجوانوں نے موٹرسائیکل پر بیٹھے مسلمان خاندان کے چہرے پر سیاہ رنگ لگا دیا۔
مزید پڑھیں
اس حوالے سے پولیس کا کہنا ہے ’ یہ واقعہ اترپردیش کے ضلع بجنور میں بجنور بازار میں پیش آیا، ہولی ہندوؤں کے لیے ایک مقدس تہوار ہے تاہم کسی پر رنگ ڈالنے کے لیے اس کی رضامندی حاصل کرنا ضروری ہوتا ہے، قانون کی خلاف ورزی کرنے والے کے خلاف سخت کارروائی کی جائے گی۔
پولیس کے مطابق واقعے میں ملوث ایک شخص کو گرفتار کر لیا گیا ہے۔
