بلوچستان میں 25 مارچ کو ہولی پر ہندو برادری کے لیے تعطیل کا اعلان

بدھ 20 مارچ 2024
icon-facebook icon-twitter icon-whatsapp

بلوچستان حکومت نے ہندو برادری کے لیے ہولی کے موقعے پر تعطیل کا اعلان کردیا۔

حکومت کے جاری کردہ نوٹیفیکیشن کے مطابق وزیراعلیٰ بلوچستان کی خواہش پر صوبے میں ہولی کے موقعے پر 25 مارچ کو ہندو برادری کے لیے عام تعطیل ہوگی۔

دریں اثنا ایکس پر اپنے ایک پیغام میں وزیراعلیٰ بلوچستان میر سرفراز بگٹی نے ہندو برادری کو ہولی کی ایڈوانس مبارک باد پیش کی۔

اپنے ٹوئٹ میں وزیراعلیٰ نے کہا کہ ہندو برادری کو تمام اہلیان پاکستان کی جانب سے ہولی کی مبارکباد قبول ہو۔

https://x.com/paksarfrazbugti/status/1770478710329659657?s=48

ڈاکٹر رمیش کمار کی اپیل

یاد رہے اقلیتی ممبر قومی اسمبلی ڈاکٹر رمیش کمار وانکوانی نے بھی وزیر اعظم پاکستان اور صوبائی وزرائے اعلیٰ سے درخواست کی تھی کہ ہولی کے مقدس تہوار کے موقع پر ہندو ملازمین کے لیے پیشگی تنخواہ کی بروقت ادائیگی یقینی بناتے ہوئے عام تعطیل کا اعلان کیا جائے۔

ڈاکٹر رمیش کمار جو پاکستان ہندو کونسل کے سرپرست اعلیٰ بھی ہیں نے اپنے خط میں لکھا تھا کہ ’میں یہ امر آپ کے نوٹس میں لانا چاہتا ہوں کہ ہندو برادری کا سب سے اہم تہوار ہولی 25 مارچ 2024 کو منایا جائے گا‘۔

نوٹیفیکیشن کا عکس

انہوں نے مزید کہا تھا کیہاس سلسلے میں میری قرارداد قومی اسمبلی میں پہلے ہی منظور ہو چکی ہے کہ متعلقہ اقلیتی برادری کے مذہبی تہواروں پر عام تعطیل ہونی چاہیے۔

ڈاکٹر رمیش کمار نے مارچ 2016 میں قومی اسمبلی میں قرارداد پیش کی تھی جس میں کہا گیا تھا کہ حکومتِ پاکستان کو ہولی، دیوالی اور ایسٹر کو اقلیتوں کے لیے عام تعطیلات قرار دینے کے لیے اقدامات کرنے چاہییں۔

ان کا کہنا تھا کہ مذکورہ اقدام پاکستان کا مثبت امیج اجاگر کرنے کے لیے ناگزیر ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

غزہ: ریت کا پشتہ خیموں پر گرنے سے خاتون اور 3 بچے شہید

بنگلہ دیشی حکومت نے حسینہ واجد کی نئے پاسپورٹ اور شناختی کارڈ کی درخواست مسترد کر دی

اقتدار چند شہروں تک محدود نہیں رہنا چاہیے، 12 صوبوں کی تجویز ہے تو اتنے بنادیے جائیں، وزیر دفاع خواجہ آصف

مریم نواز کی خدمت کی وجہ سے ن لیگ ووٹرز کی پہلی ترجیح بن چکی ہے، عظمیٰ بخاری

سنہ 2026 گرم ترین سالوں کی ٹاپ لسٹ پر، موسمیاتی مذاکرے کا آغاز

ویڈیو

اقبال کے کلام اور فکر کو آگے بڑھانے کی ضرورت ہے، ڈاکٹر بصیرہ عنبرین

16 برس قبل تباہ ہونے والا اسکول پی ٹی آئی حکومت 13 برس میں تعمیر نہ کرسکی

اسلام آباد کی سڑکوں پر چلتی پھرتی کافی شاپ، آنکھوں میں بڑے خواب سجائے نوجوان کی دلچسپ کہانی

کالم / تجزیہ

اقبال اور سعودی عرب

ہارا ہوا ٹرمپ کیا کرے گا؟

انور مسعود کی دیوارِ گریہ