سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ ٹوبہ ٹیک سنگھ کے نواحی گاؤں میں مبینہ طور پربھائی نے 22 سالہ بہن کو باپ اور دیگر گھر والوں کی موجودگی میں منہ پر تکیہ رکھ کر قتل کردیا۔ و یڈیو میں ملزم کو بہن کا گلا دباتے دیکھا جا سکتا ہےجبکہ گھر والے آرام سے بیٹھے قتل کی واردات دیکھتے رہے، قتل کی واردات کے بعد باپ نے اپنے قاتل بیٹے کو پانی بھی دیا ۔
https://Twitter.com/Aadiiroy2/status/1773026194490810379?s=20
تفصیلات کے مطابق بھائی کے ہاتھوں بہن کے قتل کا مقدمہ پولیس نے اپنی مدعیت میں درج کرتے ہوئے کارروائی کا آغاز کر دیا ہے۔ پولیس کا کہنا ہے کہ لڑکی کو 17 اور 18 کی درمیانی شب میں قتل کرنے کے بعد خاموشی سے دفنا دیا گیا جبکہ مقتولہ کے دوسرے بھائی نے قبر کشائی کی درخواست دی۔ ڈی پی او نے بیان جاری کرتے ہوئے کہا کہ لڑکی کی قبر کشائی کر کے لاش برآمد کرلی گئی ہےجس کو پوسٹ مارٹم کے لیے اسپتال بھجوا دیا گیا ہے۔
ویڈیو کے سوشل میڈیا پر وائرل ہونے کے بعد صارفین کی جانب سے اس پر تبصرے کیے جا رہے ہیں اور ملزمان کو سزا دینے کا مطالبہ بھی کیا جا رہا ہے۔
ایک صارف حافظ ہشام الٰہی ظہیر نے لکھا کہ ایسے سفاک قاتلوں کو نشانِ عبرت بنانا چاہیے اور سزا دینے کے لیے یہ ویڈیو ہی کافی ہے، مزید کسی ثبوت کی کیا ضرورت ہے؟
انا للہ وانا الیہ راجعون ایسے سفاک قاتلوں کو نشان عبرت بنانا چاہیے مزید کسی ثبوت کی کیا ضرورت ہے؟؟ https://t.co/9Ay6YZtaLA
— Hafiz Hisham Elahi Zaheer (@hishamelahi) March 27, 2024
آئینہ درخانی لکھتی ہیں کہ مجھے یقین نہیں آرہا کہ ایک شخص اپنی بہن کو گھر والوں کی موجودگی میں قتل کر رہا ہے، اور جب وہ قتل کر چکا تو باپ نے اسے پانی پلایا، انسانیت مر چکی ہے۔
I can't believe what I am seeing here, a muslim man killing his sister in the presence of his father, another man, and a woman, and once he finished, the father offered him water.
Humanity is dead. https://t.co/YXqVAzQvtJ
— Aina Durkhanai آئینه درخانۍ (@khybereena) March 27, 2024
محمد اویس عزیز لکھتے ہیں کہ ایسے درندوں پر اللہ کی لعنت ہو، انہوں نے مطالبہ کیا کہ حکومت ایسے درندوں کو عبرتناک سزا دے۔
اللہ کی لعنت ایسے درندوں پر، حکومت کو چاہیئے کہ ایسے درندوں کو عبرتناک سزا دے۔ https://t.co/iizfkrxpLa
— Muhammad Owais Aziz (@jziofficial) March 28, 2024
ایک صارف نے لکھا کہ سماج میں عورت کے حقوق کے لیے کوئی آواز اٹھاتا ہے تو اس کا مذاق اڑایا جاتا ہے۔ کوئی اس کو فیمنسٹ بولتا ہے، کوئی لبرل۔ اور بہت سی عورتیں کہتی ہیں کہ کہاں ہے عورت پر ظلم۔ دراصل یہ تمام اس پدر سری معاشرے کے کردار ہیں جو عورت کو وراثت سے محروم کرتے ہیں۔ اس کو پسند کی شادی کی اجازت نہیں، اس کو تعلیم حاصل کرنے کی آزادی نہیں۔ اس ویڈیو میں بھی باپ، ماں اور بھائی کے سامنے ایک بھائی بہن کا گلا دبا رہا ہے اور کسی کو رحم نہیں آ رہا۔ قتل کے بعد باپ نے بیٹے کو ٹھنڈا پانی پلایا کہ اس کو اتنی تکلیف اٹھانا پڑی۔ یہ دراصل آپ کے اس معاشرے کی حقیقت ہے۔
https://Twitter.com/Khurram_zakir/status/1773045965659996454?s=20
صحافی خرم اقبال نے کہا کہ ویڈیو بنانے والا بھائی اور کمرے میں سسکیاں بھرنے والی بھابھی کو پولیس نے گرفتار کر لیا ہے اور قتل کی وجوہات جان رہی ہے، مقتولہ کی قبر کشائی کرکے نعش پوسٹ مارٹم کے لئے اسپتال بھجوا دی گئی ہے۔
ویڈیو بنانے والا بھائی اور کمرے میں سسکیاں بھرنے والی بھابھی بھی گرفتار، پولیس قتل کی وجوہات جان رہی ہے، مقتولہ کی قبر کشائی کرکے نعش پوسٹ مارٹم کے لئے اسپتال بھجوا دی گئی۔۔!!
— Khurram Iqbal (@khurram143) March 28, 2024
وزیراعلیٰ پنجاب مریم نواز شریف نے ٹوبہ ٹیک سنگھ میں بھائی کے ہاتھوں بہن کو مبینہ طور پر سانس گھونٹ کر مارے جانے کے واقعہ کا نوٹس لے لیا اور آئی جی پنجاب سے رپورٹ طلب کرتے ہوئے ملزمان کی فوری گرفتاری کا حکم دیا ہے۔
