سابق وزیراعظم اور بانی چیئرمین تحریک انصاف عمران خان کی ہمشیرہ علیمہ خان نے کہا ہے کہ نواز شریف کو پانامہ کیس میں اقامہ پر سزا دینا جج کی غلطی تھی، اگر اصل کیس میں سزا ہوتی تو آج یہ ایسے نہ پھر رہے ہوتے ۔
اسلام آباد ہائیکورٹ کے باہر میڈیا سے گفتگو کرتے ہوئے علیمہ خان نے کہا کہ 6 ججز کے خط نے بہت سارے افراد کو بھی بے نقاب کردیا ہے، جب تک جج انصاف کے لیے کھڑے نہیں ہوتے تو انصاف نہیں ملتا، وکلا سابق چیف جسٹس افتخار چوہدری کے ساتھ کھڑے ہوئے تھے، آج وکلا ایسوسی ایشنز کو ان ججز کے ساتھ کھڑے ہونا چاہیے۔
علیمہ خان نے نواز شریف کو پانامہ کیس میں اقامہ پر سزا دینا ججز کی غلطی قرار دے دیا۔۔۔۔۔ pic.twitter.com/AEj2jyDiIc
— Idrees Abbasi (@idrees_abbaxi) March 29, 2024
ایک صحافی نے علیمہ خان سے سوال کیا کہ اسلام آباد ہائیکورٹ کے سابق جج شوکت عزیز صدیقی نے کہا تھا کہ جنرل فیض نے انہیں کہا کہ ان کے کہنے کے مطابق فیصلے کریں، اس وقت تحریک انصاف کو شوکت عزیز صدیقی کے ساتھ کھڑے نہیں ہونا چاہیے تھا؟
علیمہ خان نے جواب میں کہا کہ آپ پانامہ لیکس کی بات کررہے ہیں، کیا کسی نے پانامہ لیکس کھول کے دیکھی ہے، پاناما کیس میں جج نے غلطی کی تھی، نواز شریف کو غلط چارج کیا گیا،جس چیز پر نواز شریف کو چارج کیا گیا وہ کچھ بھی نہیں تھی۔
’اس کیس میں نواز شریف کو اقامے پر سزا سنائی گئی، اصلی کیس پر نواز شریف کو سزا نہیں سنائی گئی، اگر اصل کیس میں سزا ہوتی تو آج یہ ایسے نہ پھر رہے ہوتے، چوری اور ڈاکے سے جو آپ کا اور میرا پیسہ لے کر گئے، اس پر ان کو سزا نہیں ہوئی۔‘
واضح رہے کہ گزشتہ روز علیمہ خان نے کہا تھا صرف ڈونلڈ لو کو بچانے کے لیے یہ سائفر کیس چلایا جا رہا ہے۔
انہوں نے سوال اٹھایا کہ سائفر کی نو کاپیاں ہوئیں، کتنی واپس آئی ہیں، سائفر کی باقی کاپیاں کہاں ہیں؟ ججز کے پاس کوئی جواز ہی نہیں بنتا کہ اس کیس کو معطل نہ کیا جائے۔
جب یہ سائفر کیس سنا جارہا ہوتا ہے تو نظر آرہا ہوتا ہے کہ کوئی جواز ہی نہیں بنتا کہ اس کیس کو معطل نا کیا جائے۔ عمران خان صاحب بہت بار اس کیس کے جج پہ اپنی تشویش ظاہر کر چکے ہیں۔ علیمہ خان#خوف_کا_بت_ٹوٹ_گیا #JusticeForJudiciary pic.twitter.com/qG6cphKMfb
— PTI Multan (@PTIOfficialMTN) March 29, 2024
ان کا کہنا تھا کہ عمران خان پہلے دن سے کہہ رہے ہیں انہیں اسلام آباد کے چیف جسٹس عامر فاروق پر اعتماد نہیں ہے۔ ججز کے خط سے سامنے آگیا ہے کہ عامر فاروق کتنی زیادتی کرچکے ہیں۔ اس کیس میں کوئی میرٹ نہیں ہے۔ ججز اس کیس کو لمبا نہ کھینچیں اور عمران خان کی سزا معطل کریں۔