گزشتہ چند روز سے سوشل میڈیا پر دجال اور سرخ گائے کی قربانی کے بارے میں قیاس آرائیاں کی جا رہی ہیں۔ کہا جا رہا ہے کہ مسجد اقصیٰ کے مقام پر یہودیوں نے نیا ہیکل تعمیر کرنے کی تیاری کرلی ہے۔ اس مقصد کے لیے امریکا سے سرخ گائے بھی درآمد کی جا چکی ہے جس کو قربان کرنے کے بعد اس کی راکھ کو پانی میں ملایا جائے گا اور ایک ایسا مرکب تیار کیا جائے گا جو ہیکل پر چڑھنے سے پہلے ناپاک افراد کو پاک کرے گا۔ اس کے ساتھ ہی دجال کی آمد ہو جائے گی۔
حماس کے ترجمان ابو عبیدہ نے بھی یہودیوں پر مقدس سرزمین پر ’سرخ گائے‘ لانے کا الزام عائد کیا تھا۔
اب سوشل میڈیا پر ہر کوئی دجال کے بارے میں روایات اور اقوال شیئر کر رہا ہے کہ اس کا ظہور ہونے والا ہے۔ دجال کا ذکراسلامی روایات میں قرب قیامت کی نشانیوں کے ضمن میں آیا ہے۔ بعض روایات میں ہے کہ یہ ایک آنکھ سے اندھا ہو گا اور ایمان والے اس کی پیشانی پر کفر لکھا ہوا دیکھیں گے۔ جبکہ یہودی عقیدے کے مطابق حضرت داؤد علیہ السلام کی اولاد میں ایک عظیم بادشاہ نمودارہوگا جو بنی اسرائیل کے طاقت ور بادشاہ اور نبی(داؤد) کی طرح جن پر زبور نازل ہوئی تھی، یہودیوں کی حکومت پھر سے دنیا پر قائم کرے گا۔
دجال کے ظہور پر سوشل میڈیا صارفین کی جانب سے مختلف تبصرے کیے جا رہے ہیں۔ عائشہ نامی صارف لکھتی ہیں کہ جو شخص سورہ کہف کی ابتدائی 10آیات کو دل سے سیکھے گا وہ دجال سے محفوظ رہے گا۔
If anyone learns by heart the first ten verses of the Surah al-Kahf, he will be protected from the Dajjal.#Dajjal pic.twitter.com/F322CmgjeT
— عائیـــــــــــــشہ ♡ (@Ayesha_397) March 29, 2024
ایک صارف نے لکھا کہ یہودی چاہے ہزار سرخ گائے قربان کر دیں لیکن دجال تب ہی آئے گا جب اللہ چاہے گا۔
ایک صارف نے لکھا کہ بچپن میں سنا تھا کہ صیہونی ایک سرخ گائے کے پیدا ہونے کا انتظار کر رہے ہیں ، تاکہ اسے یروشلم میں جبل الزیتون پر قربان کر کے جلایا جائے ، اس کے بعد مسجد اقصی اور سنہرا گنبد(قبۃ الصخرا) شہید کر کے ہیکل سلیمانی کی تعمیر ہو گی۔ سالوں سے اس گائے کی تلاش جاری تھی اور کئی سال کی تلاش کے بعد ستمبر 2022 میں ایسی پانچ بچھڑیاں تلاش کر لی گئی ہیں جن کے لیے قربان گاہ بھی تیار ہو چکی ہے ، جہاں گائے کو جلایا جائے گا اور اس کے ساتھ ہی ہیکل کی تعمیر کا پہلا اقدام پورا ہو جائے گا۔
صارف کا مزید کہنا تھا کہ ہیکل سلیمانی کی تعمیر کے ساتھ ہی قیامت کی بڑی نشانیاں شروع ہو جائیں گی پھر بہت تیزی سے ایک کے بعد ایک واقعات ہوں گے لیکن میرا دل اب بھی یہی کہہ رہا ہے کہ اللہ کرے ایسا نہ ہو۔
سرخ گائے اور ہیکل سلیمانی
بچپن میں سنا تھا کہ صیہونی ایک سرخ گائے کے پیدا ہونے کا انتظار کر رہے ہیں ، تاکہ اسے یروشلم میں جبل الزیتون پر قربان کر کے جلایا جائے ، اسکے بعد مسجد اقصی اور سنہرا گنبد شہید کر کے ہیکل سلیمانی کی تعمیر ہو گی ۔ مجھے لگتا تھا کہ وہ وقت بہت دور ہے ۔ ہم تب… pic.twitter.com/rYJwJKpPKy
— Moona sikander (@moona_sikander) March 27, 2024
انس لکھتے ہیں کہ دجال کی آمد کے بارے میں موجودہ ویڈیوز کی حقیقت اللہ ہی جانتا ہے۔ ہمیں، ہمارے خاندانوں، دوستوں اور امت مسلمہ کو اس فتنہ سے اللہ پاک محفوظ رکھے۔
*دجال کی امد کے بارے میں موجودہ ویڈیوز کی حقیقت اللہ ہی جانتا ہے۔ ہمیں، ہمارے خاندانوں، دوستوں اور امت مسلمہ کو اس فتنہ سے اللہ پاک محفوظ رکھے، آمین ثم آمین۔۔ * دجال کے فتنہ سے حفاظت کے لیے سنت کے مطابق جو کام ہم نے کرنے ہیں، وہ یہ ہیں۔۔#Dajjal | #israel pic.twitter.com/3NtdBAMG0L
— Anas tweets 🇵🇸 (@btwanas11) March 28, 2024
واضح رہے کہ سرخ گائے کی امریکا سے برآمد پر سخت ممانعت کے قوانین کو نرم کرنے کے لیے بچھڑوں کی بطور پالتو جانور درجہ بندی کی گئی۔ اب ان گائیوں کو مقبوضہ بیت المقدس پہنچا دیا گیا ہے جہاں ایک وسیع و عریض قربان گاہ پر لے جا کر ان کی قربانی پیش کی جائے گی، یہ قربان گاہ زیتون کے پہاڑ کے سامنے ہے جہاں جلد ہی ان گائیوں کو جلایا جائے گا۔
