موسم کی صورتحال بہتر ہونے پر پاک چین سرحد آمد و رفت کے لیے بحال کردی گئی۔
مزید پڑھیں
پیر کو آمدورفت کھلنے کے پہلے روز نیٹکو کی 2 گاڑیاں 26 مسافروں کو لے کر سوست سے چین روانہ ہوئیں۔
پاک چین سرحد خنجراب 4 ماہ بند رہنے کے بعد آج سے تجارت اور سیاحت کے لیے کھول دی گئی۔
یاد رہے کہ سرحدی معاہدے کے تحت ہر سال پاک چین سرحد کو یکم دسمبر سے 31 مارچ تک بند کیا جاتا ہے۔
سرد موسم اور برف باری کے باعث سرحدی آمد و رفت بند کی جاتی ہے۔ اس دوران اس سرحد سے پاک چین تجارتی اور سیاحتی سرگرمیاں بھی بند رہتی ہیں تاہم ملکی سطح کے ترقیاتی کاموں کے سامان کی ترسیل جاری رہتی ہے۔
