گنیز ورلڈ ریکارڈ یافتہ دنیا کے معمر ترین شخص کا انتقال ہوگیا

دنیا کے معمر ترین شخص کا گنیز ورلڈ ریکارڈ سرٹیفکیٹ حاصل کرنے والے وینزویلا کے جوان ویسینٹے پیریز مورا گزشتہ روز انتقال کرگئے، انہوں نے اپنے سوگوران میں 11 بچوں، 41 پوتوں، 18 پڑپوتوں اور 12 پڑپوتوں کے بھی بچوں کو چھوڑا ہے۔

وینزویلین حکام اور رشتہ داروں نے بتایا کہ جوان ویسینٹے پیریز مورا کو گنیز ورلڈ ریکارڈز نے 2022 میں دنیا کے معمر ترین آدمی کے طور پر سرٹیفکیٹ دیا تھا، 2 اپریل کو 114 سال کی عمر میں انتقال کرگئے ہیں۔ وینزویلا کے صدر نکولس مادورو نے  سوشل میڈیا پلیٹ فارم ایکس پران کے انتقال کی تصدیق کی۔

مزید پڑھیں

• نپولین کا زمانہ دیکھنے والے دُنیا کے معمر ترین کچھوے کی 191 ویں سالگرہ

  

• دنیا کی سب سے طویل ٹانگوں والی خاتون کو کون سے مسائل کا سامنا کرنا پڑتا ہے؟

  

• گنیز ریکارڈ یافتہ دنیا کے معمر ترین شخص کی لمبی عمر کا راز کیا ہے؟

  

• جانیے 100 سالہ ورکنگ وومن کی طویل عمر کا راز

  

• دنیا کی معمر ترین خاتون چل بسیں

  

• 70 سالہ معمر خاتون نے بیچلرز کی ڈگری حاصل کرکے سب کو حیران کر دیا

  

گنیز بک کے مطابق جوان ویسینٹے کی 4 فروری 2022 کو سب سے زیادہ عمر رسیدہ شخص کے طور پر تصدیق کی گئی، اس وقت ان کی عمر 112 سال اور 253 دن تھی۔ جوان ویسینٹے پیریز مورا کے نام سے جانا جانے والا کسان 27 مئی 1909 کو اینڈین ریاست تاچیرا کے قصبے ایل کوبرے میں پیدا ہوا تھا اور وہ 10 بچوں میں سے نواں تھا۔

’پانچ سال کی عمر میں، انہوں نے اپنے والد اور بھائیوں کے ساتھ زراعت کے شعبے میں کام کرنا شروع کیا، کھیتی باڑی کے شوقین باپ بیٹے گنے اور کافی کی فصل اگاتے تھے۔ جس کے بعد انہوں نے باقاعدہ طور پر اسی شعبے کو اپنایا اور تاعمر یہی کام کرتے رہے۔

اپنے زندگی کے آخری سالوں میں بھی جوان ویسینٹے پیریز خاندان کے لیے زراعت، اور دیگر امور سرانجام دینے کے لیے پیش پیش رہتے تھے۔ وہ آخری دم تک خاندانی زمین اور تنازعات کو حل کرنے کے ذمہ دار تھے۔

واضح رہے 4 فروری 2022 کو سب سے معمر ترین شخص کا سرٹیفکیٹ حاصل کرنے والے جوان ویسینٹے پیریز مورا ایک سال اور 2 مہینے تک دنیا کے عمر رسیدہ شخص رہے۔