معروف اداکارہ و ماڈل ثنا جاوید نے سوشل میڈیا ویب سائٹ انسٹاگرام پر اپنے شوہر شعیب ملک کی ایک تصویر شیئر کی جس میں وہ ریسٹورنٹ میں بیٹھے دکھائی دے رہے ہیں۔
ثنا جاوید نے اپنی انسٹاگرام اسٹوری میں شعیب ملک کو ٹیگ کرتے ہوئے کہا کہ “Hey Hero”
واضح رہے کہ ثنا جاوید کی جانب سے یہ پوسٹ نوال سعید کے انکشافات کے بعد کی گئی ہے۔ با صلاحیت پاکستانی اداکارہ نوال سعید نے حال ہی میں گرین انٹرٹینمنٹ کی رمضان ٹرانسمیشن میں شرکت کی تھی جس کی میزبانی اعجاز اسلم اور نادیہ خان کر رہے ہیں۔
رمضان ٹرانسمیشن میں انہیں کرکٹرز کی جانب سے براہ راست پیغامات ملنے کے حوالے سے بھی بات کی گئی اور پوچھا گیا کہ کیا انہیں کرکٹر شعیب ملک کی جانب سے پیغامات موصول ہوئے ہیں؟
اس بارے میں بات کرتے ہوئے اداکارہ نوال سعید کا کہنا تھا کہ ، آپ کے منہ سے کبھی کبھی سچ نکل جائے تو لوگوں کو لگتا ہیے کہ کسی وجہ سے کیا ہے۔ وہ میں نے ایک شو میں بول دیا تھا لیکن وہ بات جھوٹ نہیں تھی۔
یاد رہے کہ ثنا جاوید اور شعیب ملک نے 20 جنوری کو اپنی شادی کا اعلان کیا تھا،اس جوڑی نے اپنے اپنے سوشل میڈیا اکاؤنٹس پر شادی کی تصاویر پوسٹ کی تھیں۔
شعیب ملک کی پہلی شادی 2010 میں بھارتی ٹینس اسٹار ثانیہ مرزا جب کہ ثنا جاوید کی پہلی شادی گلوکار عمیر جسوال سے 2020 میں ہوئی تھی۔
دونوں کی شادی خبریں سامنے آتے ہی ان پر تنقید کی گئی اور یہ دعوے کیے گئے کہ ان کے درمیان کافی عرصے سے تعلقات تھے۔
