فلمی دنیا میں گھنٹوں ساتھ میں کام کرتے ہوئے بعض اوقات اداکار اپنے ساتھی اداکاراؤں کی محبت میں گرفتار ہو جاتے ہیں۔ 70 کی دہائی میں اپنے گلیمرس اوتار سے ناظرین کو حیران کردینے والی اداکارہ زینت امان نے سنیما کی دنیا میں قدم رکھتے ہی تہلکہ مچا دیا تھا۔ ان کے مداح تو کیا فلم میکرز بھی ان کے دیوانے ہو جاتے تھے۔ جس دور میں اداکارائیں شارٹ ڈریس پہننے سے گریز کرتی تھیں زینت نے اپنے گلیمرس انداز سے اداکاراؤں کو ایک نئی پہچان دلائی تھی۔
مزید پڑھیں
جس دور میں زینت امان نے اداکاری کی دنیا میں قدم رکھا تھا۔ اس دور میں اداکارہ ممتاز ٹاپ اور سب سے زیادہ معاوضہ لینے والی اداکارہ ہوا کرتی تھیں لیکن کہا جاتا ہے کہ زینت کے آنے کے بعد اس دور کی ٹاپ ایکٹریس کا اسٹارڈم پھیکا پڑنے لگا تھا ۔زینت امان نے دیوآنند کے ساتھ فلم ہرے راما ہرے کرشنا سے اپنے کیریئر کا آغاز کیا تھا۔ اس فلم میں دیوآنند کی بہن بن کر انہوں نے نہ صرف دیوآنند بلکہ سبھی کو اپنا دیوانہ بنا لیا تھا۔
دیوآنند اور زینت امان کے درمیان بانڈنگ کافی اچھی رہی لیکن راج کپور کی وجہ سے زینت امان کو کافی نقصان اٹھانا پڑا تھا۔ اس بات کا انکشاف اداکارہ نے خود اپنی ایک پوسٹ کے ذریعے کیا تھا۔ انہوں نے بتایا تھا کہ دیوآنند کو لگا کہ ان کے اور راج کپور کے درمیان کچھ چل رہا تھا۔
دیو آنند نے اپنی سوانح عمری ‘رومانسنگ ود لائف’ میں اپنی محبت کا انکشاف کیا ہے۔ انہوں نے لکھا تھا کہ جب میں پہلی بار ایک پارٹی میں زینت امان سے ملا تو انہیں دیکھتے ہی سمجھ گیا کہ یہ جینیئس ہے لیکن وہ زینت کو پسند کرنے لگے تھے ۔ یہ بات اداکارہ نے خود اپنی انسٹا پوسٹ میں لکھی تھی۔ انہوں نے بتایا کہ راج کپور کے ساتھ ان کے افیئر کی خبر سن کر ان کا دل ٹوٹ گیا تھا۔
زینت نے یہ بھی لکھا تھا کہ وہ راج کپور جی کے ساتھ کام کرنے کے موقع کی تلاش میں تھیں۔ جب انھیں ‘ستیم شیوم سندرم’ میں کام کرنے کا موقع ملا تو انھوں نے اس موقع کو غنیمت جانا اور اس کے لیے اپنا سب کچھ دے دیا لیکن دیو صاحب اسے غلط طریقے سے سمجھ رہے تھے۔
دیو صاحب نے اپنی سوانح عمری ‘رومانسنگ ود لائف’ میں لکھا تھا کہ راج جی اور میرے درمیان ڈائریکٹر۔ اداکار ہونے کے علاوہ اور بھی بہت کچھ تھا، یہ سب پڑھ کر میرا دل ٹوٹ گیا اور مجھے کافی غصہ آیا تھا۔ میں نے اپنی توہین محسوس کی مجھے تکلیف ہوئی۔ وہ میرے مینٹور تھے لیکن ان کے اس عمل نے مجھے کافی شرمندہ کیا۔
