اداکار سلمان خان کی رہائش گاہ کے باہر 2موٹرسائیکل سواروں کی جانب سے کی گئی فائرنگ کی منصوبہ بندی سے متعلق اہم انکشافات سامنے آگئے۔
بھارتی میڈیا رپورٹس کے مطابق سلمان خان کو دھمکانے کے لیے ان کے گھر کے باہر فائرنگ کی گئی جس کی منصوبہ بندی امریکا میں ہوئی۔ لارنس بشنوئی کے بھائی انمول بشنوئی نے فائرنگ کے لیے شوٹرز کے انتخاب کی ذمہ داری راجستھان میں بشنوئی گروپ کو آپریٹ کرنے والے امریکا میں مقیم روہت گودارا کو دی۔
جہاں ایک جانب یہ شبہ ظاہر کیا جارہا تھا کہ مشتبہ افراد کا تعلق بشنوئی گینگ سے ہے اسی دوران اس واقعہ کی ذمہ داری لارنس بشنوئی کے بھائی انمول بشنوئی نےخود قبول کرلی۔
خیال رہے کہ 14 اپریل کی صبح 5 بجے 2نامعلوم موٹر سائیکل سواروں نے سلمان خان کی ممبئی کے علاقے بندرہ میں رہائش گاہ کے سامنے ہوائی فائرنگ کی اور ایک گولی عمارت کی پہلی منزل پر بھی چلائی جہاں سلمان خان کی آرام گاہ ہے اور پھر وہاں سے فرار ہوگئے۔
