وفاقی حکومت نے پیٹرولیم مصنوعات کی قیمتوں میں اضافے کا اعلان کردیا۔
وفاقی وزارت خزانہ سے جاری نوٹیفکیشن کے مطابق حکومت نے پیٹرول کی فی لیٹر قیمت میں 3 روپے 47 پیسے فی لیٹر اضافہ کیا ہے جبکہ ہائی اسپیڈ ڈیزل 2 روپے 61 پیسے فی لیٹر مہنگا کیا گیا ہے۔
یہ بھی پڑھیں: کیا ایرانی پیٹرول کی اسمگلنگ کا سلسلہ سال 2025 میں تھم جائےگا؟
نئے نوٹیفکیشن کے مطابق پیٹرول کی قیمت 256 روپے 13 پیسے فی لیٹر ہوگئی ہے جبکہ ہائی اسپیڈ ڈیزل 260 روپے 95 پیسے فی لیٹر میں دستیاب ہوگا۔ نئی قیمتوں کا اطلاق رات 12 بجے سے ہوچکا ہے۔
وزارت خزانہ کا کہنا ہے کہ عالمی مارکیٹ میں تیل کی قیمتوں میں اضافے کے بعد پیٹرول اور ڈیزل کی قیمتیں بڑھائی گئی ہیں۔