پاکستانی فاسٹ بولر محمد عامر نے سماجی رابطوں کی سائیٹ ایکس (سابقہ ٹوئٹر) پر اپنی ایک تصویر شیئر کی ہے جس میں وہ پاکستانی جرسی میں ملبوس ہیں۔
انہوں نے تصویر کے ساتھ اپنے پیغام میں لکھا کہ شروع اللہ کا نام لے کر، الحمد للہ تقریباً چار سال بعد میں نے یہ جرسی پہنی ہے۔
shuru Allah ka name le kar. Alhumdulilah almost after 4 years. pic.twitter.com/5nQfHgIkIU
— Mohammad Amir (@iamamirofficial) April 16, 2024
ایک صارف نے لکھا کہ اللہ کے نام سے شروع کر کے نو بال مت پھینک دینا۔
اب اللہ کے نام سے شروع کر کے No ball نا پھینک دینا سر
— ѕнaнzad aнмad (@RebelWords_) April 16, 2024
ایک صارف نے طنزاً لکھا کہ پاکستانی ٹیم میں آپ کی واپسی تو ہو گئی ہے لیکن برائے مہربانی کوئی نیا چاند نہ چڑھا دینا۔
کوئی نواں چن نہ چڑھا دی۔۔تیری مہربانی https://t.co/DUkKqzJRyD
— Mr Shah (@AsjidAltaf) April 16, 2024
واضح رہے کہ حال ہی میں محمد عامر نے ریٹائرمنٹ واپس لی ہے جس کے بعد انہیں نیوزی لینڈ کے خلاف ہونے والی ہوم ٹی20 سیریز کے لیے ٹیم میں شامل کیا گیا تھا۔ محمد عامر نے پی سی بی کی جانب سے کاکول میں ہونے والے فٹنس ٹریننگ سیشن میں بھی شرکت کی تھی۔ محمد عامر 4 سال بار ایک بار پھر قومی ٹیم کے لیے ایکشن میں نظر آئیں گے۔
محمد عامر نے 50 ٹی ٹوئنٹی انٹرنیشنل میچز میں 59 وکٹیں حاصل کر رکھی ہیں۔ انہوں نے اپنے انٹرنیشنل کیریئر کے دوران اب تک 36 ٹیسٹ میچز میں 119 اور 61 ون ڈے میچز میں 81 وکٹیں حاصل کی ہیں۔ محمد عامر نے پاکستان کی طرف سے آخری ٹیسٹ میچ جنوبی افریقا کے خلاف 2019 اور آخری ون ڈے میچ سری لنکا کے خلاف 2019 میں ہی کھیلا تھا۔