غزہ میں فوری جنگ بندی ہونی چاہیے، سعودی وزیر خارجہ فیصل بن فرحان

سعودی وزیر خارجہ نے کہا ہے کہ غزہ میں فوری جنگ بندی ہونی چاہیے، ہم مزید بدامنی نہیں چاہتے کیونکہ اسرائیل کی جانب سے کی گئی بمباری میں 33 ہزار جانیں ضائع ہوچکی ہیں اور قحط پڑ چکا ہے۔

اسلام آباد میں وزیر خارجہ اسحاق ڈار کے ہمراہ پریس کانفرنس کرتے ہوئے سعودی وزیر خارجہ شہزادہ فیصل بن فرحان نے صحافیوں کے سوالوں کے جوابات دیے۔

مزید پڑھیں

• سلامتی کونسل میں غزہ جنگ بندی کی قرارداد منظور، اسرائیل ہٹ دھرمی پر قائم

  

• فلسطین کی اقوام متحدہ کی مستقل رکنیت کے لیے ووٹنگ کل ہوگی

  

• رفح میں اسرائیلی فوجی آپریشن کی حمایت نہیں کرسکتے، امریکا

  

• پاکستان نے غزہ کے لیے آٹھویں امدادی کھیپ روانہ کردی، وزیرِ خارجہ اسحاق ڈار

  

• حماس مکمل جنگ بندی جبکہ اسرائیل اس کا خاتمہ چاہتا ہے، معاہدہ کیسے ہوگا؟

  

• غزہ جنگ بندی معاہدہ آئندہ ہفتے تک ہونے کی امید ہے، بائیڈن

  

• امریکا نے غزہ جنگ بندی قرارداد ویٹو کرکے نسل کشی جاری رکھنے کی اجازت دی، چین

  

وزیر خارجہ نے کہاکہ بین الاقوامی برادری غزہ میں جنگ بندی کے حوالے سے اپنی ذمے داریاں پوری نہیں کر رہی۔ 8 امدادی کارکنوں کے جاں بحق ہونے کے بعد عارضی جنگ بندی ہوئی جو دُہرے معیار کی عکاسی کرتی ہے۔

انہوں نے کہاکہ اسرائیل نے اقوام متحدہ کی قراردادوں کی خلاف ورزی کی ہے۔

فلسطین کے معاملے پر ہمارے اور سعودی عرب کے احساسات یکساں ہیں، اسحاق ڈار

اس موقع پر پاکستان کے وزیر خارجہ اسحاق ڈار نے کہاکہ ہم چاہتے ہیں غزہ میں نسل کشی بند کی جائے، فلسطین کے معاملے پر ہمارے اور سعودی عرب کے احساسات یکساں ہیں۔

انہوں نے کہاکہ دنیا کو یہ ظلم و بربریت بند کرانے کے لیے اپنا کردار ادا کرنا چاہیے۔