اسلام آباد ہائیکورٹ نے سابق وزیراعلیٰ پنجاب پرویز الٰہی کو اسپتال یا اڈیالہ جیل سے کہیں بھی دوسری جگہ بغیر اجازت منتقل کرنے سے روک دیا۔
پرویز الٰہی کی اہلیہ قیصرہ الٰہی کی جانب سے دائر کی گئی درخواست پر ہائیکورٹ میں سماعت ہوئی۔
مزید پڑھیں
اسلام آباد ہائیکورٹ نے پرویز الٰہی کا باقاعدہ علاج جاری رکھنے کا حکم دیا۔
عدالت نے سپرنٹنڈنٹ اڈیالہ جیل سے 19 اپریل تک تفصیلی رپورٹ بھی طلب کرلی۔
عدالت نے حکم دیا کہ ای ڈی پمز بھی آئندہ سماعت پر عدالتی معاونت کے لیے افسر کو نامزد کریں۔
اسلام آباد ہائیکورٹ کے جج جسٹس ارباب محمد طاہر نے درخواست پر سماعت کی۔