جیسے جیسے ٹی20 ورلڈ کپ قریب آرہا ہے بھارتی سپر اسٹار بلے باز ویرات کوہلی کی بھارتی ٹیم میں شمولیت مشکوک ہوتی جارہی ہے، اسٹار بلے باز کی بھارتی کرکٹ بورڈ (بی سی سی آئی) کے ساتھ تحفظات بھی بڑھتے جارہے ہیں۔ تاہم بھارتی بورڈ کو ویرات کوہلی کے اسٹرائیک ریٹ پر تحفظات ہیں اور دوسری جانب ویرات کوہلی نے روہت شرما کے ساتھ اوپننگ کرنے پر خدشات کا اظہار کیا ہے۔
بھارتی میڈیا نے 35 سالہ اسٹار بیٹسمین ویرات کوہلی کے جون میں ہونے والے ٹی20 ورلڈ کپ کے لیے بھارتی اسکواڈ میں شامل ہونے پر خدشات کا اظہار کیا ہے، میڈیا رپورٹس کے مطابق بی سی سی آئی سلیکشن کمیٹی انہیں روہت شرما کے ساتھ اوپنر کے طور پر دیکھ رہی ہے جبکہ ویرات کوہلی نے اپنے کیریئر کا زیادہ تر حصہ نمبر 3 پر کھیلا ہے۔
مزید پڑھیں
ویرات کوہلی جاری انڈین پریمیئر لیگ میں رائل چیلنجرز بنگلورو کے لیے اوپنر کے طور پر کھیل رہے ہیں اور انہوں نے 147 کے اسٹرائیک ریٹ سے 7 میچوں میں ٹورنامنٹ میں سب سے زیادہ 361 رنز بنائے ہیں۔
ٹی20 ورلڈ کپ 2024 کے اسکواڈ کو حتمی شکل دینے میں صرف چند ہفتے باقی ہیں، بی سی سی آئی نے مبینہ طور پر ممبئی میں کپتان روہت شرما، ہیڈ کوچ راہول ڈریوڈ اور سلیکشن کمیٹی کے سربراہ اجیت اگرکر کے ساتھ بات چیت کی۔ اس دوران یہ خبریں گردش کرنے لگی ہیں کہ ویرات آئندہ ٹی20 ورلڈ کپ میں اپنے کردار کے بارے میں بورڈ سے وضاحت چاہتے ہیں۔
ویرات اپنی آئی پی ایل فرنچائز رائل چیلنجرز بنگلورو کے لیے باقاعدگی سے کھیلتے ہیں اور اس وقت سب سے زیادہ اسکور کرنے والے بلے باز ہیں۔ اس لیے سلیکشن کمیٹی اوپننگ کو تجربہ کار بلے باز کے لیے بہترین کردار کے طور پر دیکھتی ہے۔ شبمن گل، جو اس سیزن میں بھی اچھی فارم میں نظر آرہے ہیں، مبینہ طور پر ٹی 20 ورلڈ کپ کے لیے بیک اپ اوپننگ آپشن کے طور پر دیکھا جا رہا ہے۔
جب بات ٹی20 کرکٹ کی ہو تو، ویرات کوہلی کا ابتدائی بلے باز کے طور پر اسٹرائیک ریٹ 161 ہے۔ مجموعی طور پر، اس کا اسٹرائیک ریٹ 138 ہے۔ درحقیقت، کوہلی کی واحد ٹی20 سنچری بھی اوپنر کے طور پر آئی ہے۔
تاہم انکا بین الاقوامی کرکٹ میں بطور اوپنر شاندار ریکارڈ ہے جس میں انہوں نے 9 میچوں میں 57 کی اوسط سے 400 رنز بنائے ہیں۔
مڈل آرڈر میں، بی سی سی آئی مبینہ طور پر رنکو سنگھ اور شیوم دوبے جیسے جارحانہ بلے باز کھلاڑیوں پر نظر رکھے ہوئے ہے جبکہ ریان پراگ کو بھی غور کیا جا رہا ہے۔
واضح رہے ویرات کوہلی نے ٹی20 ورلڈکپ 2021 میں افغانستان کے خلاف 122 رنز بنائے تھے جو اس فارمیٹ میں کسی بھی بھارتی بلے باز کا سب سے زیادہ انفرادی اسکور بھی ہے۔
