پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ اعظم خان انجرڈ ہیں جس کی وجہ سے وہ نیوزی لینڈ کے خلاف سیریز نہیں کھیل سکیں گے۔
لاہور میں تقریب سے خطاب کرتے ہوئے انہوں نے کہاکہ ہمارے لیے ہر کھلاڑی اہم ہے، انجرڈ کھلاڑیوں کے علاج کی خود مانیٹرنگ کررہا ہوں۔
مزید پڑھیں
انہوں نے کہاکہ احسان اللہ اس وقت لندن میں علاج کے لیے موجود ہیں اور ان کے معائنے کے لیے میڈیکل بورڈ تشکیل دیدیا گیا ہے۔
محسن نقوی نے کہاکہ ہیڈ کوچ کی تعیناتی کے لیے انٹرویوز جاری ہیں اور امید ہے کہ 3 روز تک فیصلہ ہو جائے گا۔
انہوں نے مزید کہاکہ ہمارے اسٹیڈیم ایسے ہیں کہ جہاں بیٹھ کر لگتا ہے کہ انسان دور بیٹھا ہوا، اس حوالے سے بھی ایک کمپنی نے ہمیں اپروچ کیا تھا۔