سابق وفاقی وزیر فواد چوہدری نے عمران خان کے اگست 2018 سے مارچ2022 تک ہیلی کاپٹر کی بنی گالہ سے وزیراعظم ہاؤس تک جانے کے اخراجات پر مبنی رپورٹ پر اپنا ردعمل دے دیا۔
رپورٹ میں بتایا گیا کہ عمران خان کی اگست 2018 سے مارچ2022 تک ہیلی کاپٹر کی بنی گالہ سے وزیراعظم ہاؤس جانے پر پاکستانی قوم کو 98 کروڑ روپے لگے ہیں۔
یاد رہے کہ سابق وزیراعظم عمران خان کا گھر بنی گالہ میں واقع ہے جو وزیرِ اعظم کے دفتر سے تقریباً 15 سے 16 کلومیٹر کی دوری پر واقع ہے۔بتایا جاتا ہے کہ فضائی اعتبار سے یہ فاصلہ 8 ناٹیکل میل بنتا ہے۔
کیا وزیر اعظم کرائے کا ہیلی کاپٹر استعمال کرتا ہے؟ اگر ایسا تھا تو یہ خرچہ ہو سکتا ہے گیکن وزیر اعظم کا ہیلی اپنا ہے اور فلائنگ کی تھوڑی بہت شد بد رکھنے والا بھی آپ کو بتائے گا کہ ھیلی کاپٹرز کا آپریشنل خرچ بہت کم ہوتا ہے، ابھی ہائیکورٹ میں عمران خان کے جیل کے اخراجات کی تفصیل… https://t.co/N9bF0MIKJr
— Ch Fawad Hussain (@fawadchaudhry) April 22, 2024
اب عمران خان کے فضائی اخراجات کی رپورٹ پر سابق وفاقی وزیر فواد چوہدری کا کہنا ہے کہ کیا وزیر اعظم کرائے کا ہیلی کاپٹر استعمال کرتا ہے؟ اگر ایسا تھا تو یہ خرچہ ہو سکتا ہے لیکن وزیر اعظم کا ہیلی اپنا ہے اور فلائنگ کی تھوڑی بہت شد بد رکھنے والا بھی آپ کو بتائے گا کہ ہیلی کاپٹرز کا آپریشنل خرچ بہت کم ہوتا ہے.
انہوں نے کہا کہ ابھی ہائیکورٹ میں عمران خان کے جیل کے اخراجات کی تفصیل پیش کی گئی اور بتایا گیا کہ چودہ اہلکار ان کی ڈیوٹی پر ہیں اور ان کی تنخواہ بھی اخراجات میں شامل کی گئی۔فواد چوہدری نے یہ بھی کہا کہ یہ رپورٹ بھی ایسی ہی مہان رپورٹ ہے۔
