اسلام آباد میں خاتون کی جانب سے موٹروے پولیس کے اہلکار کو گاڑی کے نیچے کچلنے کے واقعہ پیش آیا ہے جس کی ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ خاتون اور موٹروے پولیس کے اہلکاروں کے درمیان تلخ کلامی ہوئی، اہلکار کی جانب سے راستہ نہ دینے پر خاتون نے اس پر گاڑی چڑھا دی۔
اس جاھل عورت کو اب تک گرفتار کیا گیا ھے یا نہیں؟ pic.twitter.com/wyL5lrvhSz
— صحرانورد (@Aadiiroy2) April 22, 2024
اس حوالے سے ترجمان موٹروے پولیس نے بتایا ہے کہ یہ واقعہ جنوری 2024 کو اسلام آباد ٹول پلازہ پر پیش آیا، جس کے بعد خاتون ڈرائیور کے خلاف ضلع راولپنڈی کے تھانہ نصیر آباد میں دفعہ 279، 186، 337G اور 427 کے تحت ایف آئی ار درج کروا دی گئی تھی۔
ترجمان کا کہنا ہے کہ قانون کی خلاف ورزی کرنے والوں کے خلاف کوئی رعایت نہیں برتی جائے گی۔
