بالی وڈ میں آج کل شادیوں کا ٹرینڈ چل رہا ہے تو وہیں پر اداکارہ کاجول اور شلپا شیٹی کی بہنوں کی شادی کے حوالے سے چہ مگوئیاں ہونا شروع ہو گئی ہیں کہ ان کی بہنیں کیوں شادی نہیں کر رہیں۔
شمیتا کہتی ہیں کہ میں ان لوگوں میں سے نہیں جو جلدبازی میں غلط لائف پارٹنر کا انتخاب کرلیں۔ اگر بات کی جائے بالی وڈ اداکارہ کاجول کی بہن و اداکارہ تنیشا مکھرجی کی تو انہوں نے بھی 46 سال عمر ہونے کے باوجود شادی نہیں کی۔
بھارتی رئیلٹی شو ’بگ باس‘ کے ساتویں سیزن میں تنیشا مکھرجی اور ارمان کوہلی نے ایک ساتھ شرکت کی تھی اور دونوں کے درمیان قربتیں بھی بڑھ گئی تھیں لیکن یہ دوستی پروان نہیں چڑھ سکی تھی۔
تنیشا کہتی ہیں کہ ان کی خوشگوار زندگی میں گھر والوں کا اہم کردار ہے۔ گھر والوں نے شادی کے لیے کبھی دباؤ نہیں ڈالا۔ اداکارہ کا کہنا ہے کہ والدہ اور دادی ہمیشہ تاکید کرتی ہیں کہ زندگی بہت مختصر ہوتی ہے اس لیے اپنی زندگی کا ہر لمحہ خوشی سے گزارنا چاہیے۔
