آرمی چیف جنرل سید عاصم منیر نے کہا ہے کہ منفی پروپیگنڈا اور سوشل میڈیا ٹرولز ہماری توجہ پاکستان اور اُس کے عوام کی ترقی اور خوشحالی کے لیے کام کرنے سے نہیں روک سکتے۔ آج کے دور میں معاشی استحکام کے بغیر مکمل خود مختاری کا تصور ممکن نہیں۔
آرمی چیف جنرل سیّد عاصم منیر نے جمعہ کو گرین پاکستان انیشی ایٹیو کانفرنس سے خطاب کیا ہے۔
مزید پڑھیں
آرمی چیف نے کانفرنس سے خطاب کرتے ہوئے کہاکہ ہم سب مل کر ٹیم پاکستان ہیں۔ انشااللّٰہ عوام کے تعاون اور سپورٹ سے پاکستان کی ترقی کے سفر میں رخنہ ڈالنے اور توجہ ہٹانے والوں کی تمام کوششیں ناکام ہوں گی۔
آرمی چیف جنرل سید عاصم منیر نے کہا کہ پاکستان کی خوشحالی اور ترقی کے سفر میں کسی قسم کا عدم استحکام برداشت نہیں کیا جائے گا۔ آئیے! ہم سب مل کر منفی قوتوں کو رد کریں اور پاکستان کی ترقی اور استحکام کے سفر پر مرکوز رہیں۔
