سنی اتحاد کونسل کے سربراہ صاحبزادہ حامد رضا نے پاکستان تحریک انصاف (پی ٹی آئی) کو اسمبلیوں سے استعفے دینے اور سڑکوں پرآنے کا مشورہ دے دیا۔
مزید پڑھیں
سماجی رابطے کے پلیٹ فارم ’ایکس‘ پر ایک پوسٹ میں انہوں نے کہا کہ اگر آئندہ ہفتوں میں بانی پی ٹی آئی کوانصاف نہ ملا تو اس صورت میں پی ٹی آئی قیادت کو اسمبلیوں سے استعفے دینے اور سڑکوں پر آنے پر غور کرنے کی ضرورت ہے۔
صاحبزادہ حامد رضا کا کہنا تھا، ’ہم اس (موجودہ) حکومت کو سانس لینے کا موقع نہیں دیں گے اور اسمبلیوں میں نہیں بیٹھیں گے، میں بانی پی ٹی آئی کے لیے قومی اسمبلی سے مستعفی ہونے والا پہلا شخص ہوں گا۔‘
PTI leadership need to consider resigning from assemblies and coming out on streets if Imran Khan didn't get justice in coming weeks , we are not sitting in the assemblies to give this government a breathing space . I will be the 1st one to resign from National Assembly for IK .
— Sahibzada Hamid Raza (@_SahibzadaHamid) April 28, 2024
ان کی اس پوسٹ پر سوشل میڈیا صارفین نے انہیں مشورہ دیا ہے کہ ایسا نہ کیجئے گا کیونکہ ماضی میں پی ٹی آئی ایسا کرکے دیکھ چکی ہے، اسمبلیوں سے استعفے دیکر احتجاج کرنے کے بجائے اسمبلیوں میں رہ کر احتجاج کرنا بہتر ہے۔
