آرمی چیف جنرل سیّد عاصم منیر سے ترکیہ کی بری افواج کے کمانڈر جنرل سیلکوک بیرکتار اوغلو نے ملاقات کی ہے۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں باہمی دلچسپی اور دوطرفہ تعاون کو مزید بڑھانے کے امور پر تبادلہ خیال کیا گیا۔
مزید پڑھیں
آئی ایس پی آر نے بتایا کہ آرمی چیف اور ترکیہ کی بری افواج کے کمانڈر نے دونوں ممالک کے درمیان تاریخی، ثقافتی اور مذہبی تعلق پر مبنی گہرے تعلقات پر اطمینان کا اظہار کیا۔
اس موقع پر آرمی چیف جنرل عاصم منیر نے دونوں مسلح افواج کے درمیان فوجی تعاون کو مزید مضبوط بنانے کی ضرورت پر زور دیا۔
اس موقع پر ترکیہ کی فوج کے کمانڈر نے خطے میں امن و استحکام کو یقینی بنانے میں پاک فوج کے کردار کو سراہا۔
آئی ایس پی آر کے مطابق قبل ازیں جی ایچ کیو آمد پر ترکیہ کی بری افواج کے کمانڈر نے یادگار شہدا پر پھولوں کی چادر چڑھائی۔ جبکہ پاک فوج کے چاق و چوبند دستے نے معزز مہمان کو گارڈ آف آنر پیش کیا۔
