وزیراعظم شہباز شریف نے سعودی عرب کے ولی عہد اور وزیراعظم محمد بن سلمان آل سعود کو دورہ پاکستان کی دعوت دے دی۔
مزید پڑھیں
تفصیلات کے مطابق، وزیراعظم شہباز شریف نے دورہ سعودی عرب کے دوران سعودی ولی عہد اور وزیر اعظم محمد بن سلمان آل سعود سے ملاقات کی۔ دونوں رہنماؤں نے مکہ مکرمہ میں ہونے والی اپنی ملاقات میں کیے گئے فیصلوں پر پیشرفت پر اطمینان کا اظہار کیا۔
دونوں رہنماؤں نے مختلف شعبوں میں تعاون کو مزید بڑھانے پر اتفاق کیا۔ وزیراعظم نے سعودی وزیر خارجہ کی قیادت میں اعلیٰ سطح کا وفد پاکستان بھیجنے اور سر مایہ کاری کے حوالے سے مزید وفود کو پاکستان بھیجنے کے حوالے سے سعودی ولی عہد کا شکریہ ادا کیا ۔
ملاقات میں غزہ کی صورتحال پر بھی تبادلہ خیال کیا گیا۔ وزیراعظم شہباز شریف نے اپنے دورہ سعودی عرب کے دوران شاندار میزبانی اور سعودی وزرا کی جانب سے پاکستان میں سعودی سرمایہ کاری کے حوالے سے جامع پروگرام مرتب کرنے پر ولی عہد کا شکریہ ادا کیا۔