فلم اسٹارماہرہ خان کی جانب سے اپنے شوہر کی عمر اور کاروبار بتانے کی پرانی ویڈیو ایک مرتبہ پھر سوشل میڈیا پر وائرل ہورہی ہے، جس میں وہ شوہر کی عمر پر وضاحت کرتے ہوئے ہنس رہی ہیں۔
شادی کے وقت اداکارہ کے شوہر کی عمر اور کاروبار سے متعلق مختلف افواہیں تھیں جیسے یہ کہ ان کی عمر 66 سال ہے اور وہ بزنس ٹائیکون ہیں۔
اداکارہ نے شوہر کی عمر اور کاروبار سے متعلق مارچ 2024 میں آمنہ حیدر عیسانی کو دیے گئے انٹرویو میں وضاحت کی تھی، جس کی مختصر ویڈیو اب سوشل میڈیا پر وائرل ہوگئی۔
اداکارہ شوہر کی عمر 66 برس ہونے اور ان کے بزنس ٹائیکون ہونے پر ہنس پڑیں اور لوگوں کے تبصرے پر شوہر کو بیچارہ کہا۔
View this post on Instagram
وائرل ویڈیو میں ماہرہ خان نے وضاحت کی کہ نہ ان کے شوہر کی عمر 66 سال ہے اور نہ وہ بزنس ٹائیکون ہیں، بلکہ ٹائیکون کے قریب بھی نہیں ہیں۔ لیکن اداکارہ نے اسی ویڈیو میں اس امید کا اظہار بھی کیا کہ کیا شاید وہ جلد ٹائیکون بن جائیں۔
اگرچہ اداکارہ نے واضح کیا کہ ان کے شوہر کی عمر 66 برس نہیں ہے اور وہ نہ ہی بزنس ٹائیکون ہیں، تاہم انہوں نے شوہر کی اصل عمر نہیں بتائی اور نہ ہی ان کے کاروبار سے متعلق کھل کر وضاحت کی۔
ماہرہ خان نے 2 اکتوبر 2023 کو اپنے دیرینہ دوست اور کاروباری شخصیت سلیم کریم سے دوسری شادی کی تصاویر اور ویڈیوز شیئر کی تھیں۔ اس سے قبل اداکارہ نے پہلی شادی 2007 میں علی عسکری سے کی تھی۔
