پاکستان انٹرنیشنل ایئر لائن نے متحدہ عرب امارات کے لیے اپنا فضائی آپریشن تاحکم ثانی معطل کرتے ہوئے مسافروں کے لیے سفری ہدایات جاری کی ہیں۔
ترجمان پی آئی اے کے مطابق متحدہ عرب امارات میں طوفانی بارشوں کے باعث دبئی اور شارجہ کے لیے فضائی آپریشن شدید متاثر ہے، پی آئی اے سمیت دیگر ایئر لائنز کی فضائی اپریشن تاحکم ثانی معطل رہے گی۔
قومی ایئر لائن کی جانب سے جاری کردہ اعلامیہ کے مطابق قومی ایئر لائن کی کچھ پروازوں کو خراب موسم کی وجہ سے تاخیر اور منسوخی کا سامنا ہے۔
’پی آئی اے کو اپنے مسافروں کی زخمت اٹھانے کا بھرپور احساس ہے، صورتحال بحال ہوتی ہی پی ائی اے اپنا فضائی اپریشن کا فی الفور اغاز کر دے گا۔‘
ترجمان پی آئی اے نے متاثرہ پروازوں کے مسافروں سے اپنی پرواز کی معلومات کے لیے پی آئی اے کے کال سینٹر 786 786 111 سے رابطے میں رہنے کی ہدایت کی ہے۔