پاکستانی شوبز انڈسٹری کی معروف ادکارہ ماہرہ خان جنہیں حال ہی میں منفرد اسٹائل اور متاثرکن فیشن کی بدولت ’آرٹسٹ اِن فیشن‘ کے اعزاز سے نوازا گیا ہے۔ اپنی زندگی میں ملنے والی کامیابیوں اور ناکامیوں کا جائزہ لینے لگیں۔
ماہرہ خان نے سماجی رابطوں کی سائیٹ ایکس پر ایک معنی خیز پوسٹ جاری کی جس میں انہوں نے کہا کہ وہ زندگی کے اس مرحلے میں ہیں کہ اب جائزہ لینے لگ گئی ہیں کہ آخر انہوں نے زندگی میں کیا کھویا ہے اور کیا پایا ہے؟
عالمی شہرت یافتہ اداکارہ نے مداحوں سے رائے بھی مانگی کہ کیا انہوں نے بھی اپنی غلطیوں اور کامیابیوں کا احتساب کیا ہے۔
Kya khoya.. kya paya.. that phase of my life. Taking stock of it all. Do you guys ever do that?
— Mahira Khan (@TheMahiraKhan) May 3, 2024
ماہرہ خان کی جانب سے رائے مانگنے پر مداحوں نے مختلف تبصرے کیے، ایک صارف نے لکھا کہ زندگی کا بس یہی ایک مرحلہ ہے، جو کھویا نہ وہ ساتھ لائے تھے اور جو پایا نہ وہ ساتھ لے کر جائیں گے، صارف کا مزید کہنا تھا کہ زندگی اور لوگ پیچیدہ ہیں، کبھی کبھی تو سانس لینے میں دم گھٹ جاتا ہے۔ ساتھ ہی انہوں نے ماہرہ خان سے پوچھا کہ آپ بتائیں کہ زندگی کیسی ہے، اور آپ کو یہاں دیکھ کر اچھا لگتا ہے۔
Its only that phase of life , jo khoya na wo sath laye thy OR na jo paya wo sath leke jaengy , have been thinking about this ltely , Life is complicated , people are complicated , breathing is suffocating sometimes . Anyways , you tell , hows life ? Feels good to see you here 🤍 https://t.co/PEKaEVGJAZ
— Wasif Farooqui (@WasifFarooqui7) May 3, 2024
ایک صارف نے مزاحیہ انداز اپناتے ہوئے لکھا کہ بالکل ہم بھی اپنی زندگی کا جائزہ لیتے ہیں لیکن اتنی صبح صبح نہیں، اس وقت تو ہم صرف یہ سوچتے ہیں کہ آفس جانا ہے یا نہیں۔
Yesss!!!! But itnee subah saware kaha ic time tou bs Office jaana hai ki nahi ka soonchte hai. https://t.co/lkoBT5nf5i
— Majid Naik ماجد نايک (@naikmajid_) May 3, 2024
ایک ایکس صارف نے لکھا کہ میں اکثر سوچتا ہوں کہ زندگی ایک بہت سنجیدہ چیز ہے، یہاں کوئی ایک چیز یا ایک شخص ایسا نہیں ہے جو ہمیشہ کے لیے ہماری زندگی میں رہتا ہے۔ جو کچھ ہمارے پاس ہے ہم وہ مسلسل کھوتے رہتے ہیں اور پھر ہمیں نئے متبادل ملتے ہیں جو ہمیشہ کے لیے نہیں ہوتے، ان کا مزید کہنا تھا کہ ایک چیز جو مستقل رہتی ہے وہ ہے اللہ کی موجودگی۔ یہ کبھی نہیں بدلتی اور میرا اندازہ ہے کہ یہ تمام سوالوں کا جواب ہے۔
Alhumdulillah I do it all the times !!
I often think that life is a very serious thing— there is a not a single thing or a person ( including our loved ones ) who stay in life forever. We constantly keep losing all what we have and then we get new replacements which are also…— GZL (@Peaceful248) May 3, 2024
آمنہ عالم لکھتی ہیں کہ میں عام طور پر کامیابیوں اور ناکامیوں کے بارے میں اس وقت سوچتی ہوں جب میں کسی مشکل وقت سے گزر رہی ہوتی ہوں، انہوں نے ماہرہ خان سے کہا کہ امید ہے آپ ٹھیک ہوں گی۔
I usually do that when I'm going thru a low or difficult time. Hope you are doing ok 🌸🧿
— amna alam (@beingamnaalam) May 3, 2024
ایک صارف نے لکھا کہ ابھی تو زندگی میں کیا کیا کھویا کا مرحلہ چل رہا ہے۔
it’s only kya kya khoya phase of life as of now
— a**** (@grimorgray) May 3, 2024
واضح رہے کہ ماہرہ خان نے گزشتہ برس اپنے قریبی دوست سلیم کریم سے شادی کی تھی۔ اداکارہ ماہرہ خان نے پہلی شادی 2007 میں علی عسکری سے کی تھی، جن سے ان کا بیٹا اذلان بھی ہے۔ ماہرہ خان کی پہلی شادی تقریبا 8 سال بعد 2015 میں طلاق پر ختم ہوئی تھی۔
