ملک کے بیشتر علاقوں میں جھکڑ چلنے گرج چمک کے ساتھ بارش کا امکان

ملک کے بالائی علاقوں میں مطلع آبر آلود رہنے کے علاوہ آندھی، جھکڑ چلنے اور گرج چمک کے ساتھ چند مقامات پر بارش کا امکان ہے۔

محکمہ موسمیات کے مطابق ہفتہ کے روز ملک کے بیشترعلاقوں میں موسم خشک جبکہ وسطی اور جنوبی علاقوں میں گرم رہے گا تاہم بالائی پنجاب، بالائی خیبرپختونخوا، اسلام آباد، گلگت بلتستان اور کشمیر میں مطلع جزوی طور پر آبر آلود رہنے کے علاوہ چند مقامات پر تیز ہواؤں، جھکڑ اور گرج چمک کے ساتھ بارش کا امکان ہے۔

محکمہ موسمیات کے مطابق جنوبی پنجاب اور بالائی سندھ میں آندھی، جھکڑ چلنے کا بھی امکان ظاہر کیا گیا ہے ۔

گذشتہ 24 گھنٹوں کے دوران ملک کے بیشتر علاقوں میں موسم خشک، مطلع جزوی آبر آلود جبکہ جنوبی علاقوں میں گرم رہا۔

 تاہم خیبرپختونخوا ، شمالی بلوچستان میں چند مقاما ت پر بارش، بوندا باندی ہوئی۔سب سے زیادہ بارش خضدار 12،کوئٹہ ( سمنگلی)01 اور خیبرپختونخوا میں میر کھانی 02ملی میٹر بارش ریکارڈ کی گئی۔ اس دوران ملک میں زیادہ سے زیادہ درجہ حرارت شہید بینظیر آباد،جیکب آباد،دادو میں 42ڈگری سینٹی گریڈ ریکارڈ کیا گیا۔