تحریک انصاف کی سیاسی کمیٹی کی جانب سے جھنگ سے منتخب رکن قومی اسمبلی شیخ وقاص اکرم کو چیئرمین پبلک اکاؤنٹس کمیٹی نامزد کرنے پر اس عہدے کے متنازعہ امیدوار شیر افضل مروت نے اپنا سخت رد عمل دیتے ہوئے اسے فراڈ قرار دیا ہے۔
مزید پڑھیں
سماجی رابطے کی ویب سائٹ ایکس پر اپنی پوسٹ میں انہوں نے لکھا ہے کہ وہ عوام کو بتانا چاہتے ہیں کہ سابق وزیر اعظم عمران خان صاحب نے نہ تو پبلک اکاؤنٹس کمیٹی کے فیصلے کو سیاسی کمیٹی کو یا ووٹنگ کے لیے ریفر کیا اور نہ ہی اب تک اپنا فیصلہ تبدیل کیا ہے۔
میں عوام کو بتانا چاہتا ہوں کہ خان صاحب نے نہ تو پی اے سی کے فیصلے کو سیاسی کمیٹی کو فیصلے یا ووٹنگ کے لیے ریفر کیا اور نہ ہی اب تک اپنا فیصلہ تبدیل کیا ہے۔
میں کل ان سے ملاقات کروں گا اور ان کے نام پر ہونے والے فراڈ سے آگاہ کروں گا۔
مجھے نہ تو کمیٹی کے اجلاس کے بارے میں آگاہ…
— Sher Afzal Khan Marwat (@sherafzalmarwat) May 6, 2024
’میں کل ان سے ملاقات کروں گا اور ان کے نام پر ہونے والے فراڈ سے آگاہ کروں گا، مجھے نہ تو کمیٹی کے اجلاس کے بارے میں آگاہ کیا گیا اور نہ ہی اس کے ایجنڈے میں ایسی کوئی چیز تھی۔‘
خیبر پختونخوا سے منتخب رکن قومی اسمبلی اور عمران خان کی قانونی ٹیم کے اہم رکن شیر افضل مروت کا کہنا ہے کہ وہ کل عمران خان سے اڈیالہ جیل میں ملاقات کے بعد سب کو آگاہ کریں گے۔
’پی ٹی آئی ایک سیاسی جماعت ہے رجواڑہ نہیں اور میں اسے ہائی جیک نہیں ہونے دوں گا۔‘