اہل کراچی جلد خوشخبری سنیں گے، میئرکراچی مرتضیٰ وہاب

میئر کراچی مرتضیٰ وہاب نے کہا ہے کہ کراچی والے شہر میں نئی بسوں سے متعلق بہت جلد خوشخبری سنیں گے، جیسے ہی کراچی میونسپل کارپوریشن (کے ایم سی) کے مالی معاملات میں بہتر ہوں گے عوام خوشخبری سنیں گے۔

کراچی میں میڈیا سے گفتگو کرتے ہوئے میئر کراچی مرتضیٰ وہاب نے کہا کہ معاملات بہتری کی طرف جا رہے ہیں۔ ان کا کہنا تھا کہ تجاوزات سے ضبط شدہ سامان کو زیادہ دیر تک نہیں رکھ سکتے، قانون میں ترمیم کرکے اب جرمانہ بڑھانے کا سوچ رہے ہیں۔

میئر کراچی نے کہا کہ شہر بھر میں سائن بورڈز بھی کے ایم سی کی اجازت کے بغیر لگے ہوئے ہیں، یہ اختیارات کے ایم سی کے پاس ہونے چاہیں۔انہوں نے بتایا کہ سیاسی جماعتوں کے جھنڈوں کو بھی اتارا جا رہا ہے اور جو تاروں کے جھنڈ لگے ہوئے تھے، انہیں بھی ہٹا رہے ہیں۔