وزیراعظم محمد شہبازشریف نے پاکستان مسلم لیگ (ن) کی صدارت سے استعفی دے دیا۔
مزید پڑھیں
پارٹی کے سیکریٹری جنرل کو 11 مئی کو بھجوائے جانے والے استعفے میں محمد شہبازشریف نے کہا ہے کہ سنہ 2017 میں قائد محمد نوازشریف سے ناحق وزارت عظمیٰ اور جماعت کی صدارت چھین لی گئی تھی۔
دریں اثنا
سینیئر صوبائی وزیر اور وزیرِ اعلیٰ پنجاب کی معاون خصوصی مریم اورنگزیب نے سماجی رابطے کی سائٹ ایکس پر اپنے پیغام میں وزیراعظم شہبازشریف کی بحیثیت صدر ن لیگ استعفے کی خبر و اس کا عکس شیئر کیا ہے۔
وزیراعظم جناب محمد شہبازشریف نے پاکستان مسلم لیگ (ن) کی صدارت سے استعفی دے دیا ہے۔ 11 مئی 2024 کو پارٹی کے سیکریٹری جنرل کو بھجوائے جانے والے استعفے میں جناب محمد شہبازشریف نے کہا ہے کہ 2017 میں قائد محمد نوازشریف سے ناحق وزارت عظمی اور جماعت کی صدارت چھین لی گئی تھی۔ میرے محبوب… pic.twitter.com/ajRDEbCbZB
— Marriyum Aurangzeb (@Marriyum_A) May 13, 2024
استعفے میں شہباز شریف نے کہا کہ ’میرے محبوب قائد کی بریت ان کے باوقار کردار اور قوم کی خدمت کے بے داغ ماضی کی گواہی ہے اور جماعت و قیادت نے دور ابتلا و آزمائش کا بڑی بہادری اور ثابت قدمی سے مقابلہ کیا اور سرخرو ہوئے‘۔
ان کا کہنا تھا کہ انہوں نے اس عہدے کو ہمیشہ ایک امانت سمجھا ہے جسے اپنے قائد کو واپس لوٹا رہا ہوں تاکہ وہ اپنی غیر معمولی لیڈرشپ اور وژن سے ملک اور جماعت کی رہنمائی کریں۔
شہباز شریف نے کہا کہ ’سنہ 2024 کے عام انتخابات کے بعد جماعت نے مجھے وزیراعظم بنایا میں اپنے محبوب قائد محمد نوازشریف سے غیرمتزلزل وفاداری کا عہد دوہراتا ہوں اور احساس ذمہ داری اور جماعت کے اصولوں کے مطابق عہدے سے استعفی پیش کرتا ہوں‘۔