پنجاب حکومت نے صوبے میں جھوٹی، من گھڑت اور غیر حقیقی خبروں کے تدارک کے لیے ہتک عزت قانون 2024 لاگو کرنے کا فیصلہ کرلیا۔
مزید پڑھیں
ذرائع کے مطابق قانون کا اطلاق پرنٹ، الیکڑانک اور سوشل میڈیا کے ذریعے پھیلائی جانے والی ان جھوٹی اور غیر حقیقی خبروں پر ہوگا جس سے کسی فرد یا ادارے کا تشخص خراب ہو۔
علاوہ ازیں قانون کا اطلاق ان جھوٹی خبروں کے تدارک کے لیے کیا جائے گا جو کسی شخص کی پرائیویسی اور پبلک پوزیشن کو خراب کرنے کے لیے پھیلائی جائیں گئیں۔
ہتک عزت آرڈینس 2002 اس قانون کے اطلاق کے بعد اس سے تبدیل ہو جائے گا۔
ہتک عزت بل 2024 پنجاب اسمبلی کی متعلقہ کمیٹی کو بھیجوا دیا گیا ہے جو اپنی سفارشات آئندہ 2 روز میں پیش کرے گی۔
کمیٹی کی سفارشات کے بعد بل صوبائی اسمبلی میں منظوی کے لیے پیش کیا جائے گا۔
اسمبلی سے منظوری کے بعد بل کا اطلاق صوبے میں فی الفور کردیا جائے گا۔
