پاکستان تحریک انصاف (پی ٹی آئی) کے رہنما شیر افضل مروت نے کہا ہے کہ وہ آج کل ترک سیریز دیکھ کر سیاست سیکھ رہے ہیں۔
مزید پڑھیں
اسلام آباد میں صحافیوں سے گفتگو کے دوران اس حوالے سے ایک سوال کے جواب میں انہوں نے بتایا کہ وہ آج کل ترک سیریز ’کرولس عثمان دیکھ رہے ہیں۔
شیر افضل مروت کا کہنا تھا، ’میں نے کرولوس عثمان کی 21 قسطیں دیکھیں، مزے کی بات یہ ہے کہ اس سیریز میں سیاست ہی سیاست ہے، یہ سیریز دیکھ کر ہمارے دماغ کے دریچے کھل گئے ہیں۔‘
ایک صحافی نے انہیں بتایا کہ آج کل نیٹ فلیکس پر انڈیا کی سیریز ’ہیرامنڈی‘ ٹرینڈ کررہی ہے جس پر شیر افضل مروت نے کہا کہ وہ ایسی فلمیں نہیں دیکھتے
اسی دوران صحافیوں نے شیر افضل مروت سے ان کی فیملی، دیگر فلموں اور نجی چینل کے پروگرام میں ان کی شرکت سے متعلق سوالات پوچھے تو انہوں نے کہا کہ آپ لوگ ذہانت استعمال کرتے ہوئے مزید اچھا سوال پوچھیں.
سگریٹ چھوڑنے سے متعلق سوال پر شیر افضل مروت نے کہا کہ وہ سگریٹ چھوڑنے کے اپنے وعدے پر 7 دن سے قائم ہیں۔
آج کل کرولس عثمان سیزن دیکھ رہا ہوں کیونکہ اس میں ساری پولیٹکس ہوتی ہے اور سگریٹ بھی چھوڑ رہا، شیر افضل مروت@sherafzalmarwat #WENews #Heeramandi pic.twitter.com/Cdx1yT3j5o
— WE News (@WENewsPk) May 13, 2024
ایک صحافی نے سوال کیا کہ کیا آپ سعودی عرب سے متعلق اپنے بیان پر قائم ہیں، جس پر شیر افضل مروت نے غصہ اور ناراضی کا اظہار کیا اور اپنی گاڑی میں بیٹھ کر وہاں سے چلے گئے۔
واضح رہے کہ صحافیوں سے ملتے ہی شیر افضل مروت نے ایک بات واضح کردی تھی کہ ان سے پارٹی کے اندرونی اختلافات کے حوالے سے کوئی سوال نہ پوچھا جائے۔