پاکستان کے شمالی علاقے گلگت بلتستان سے تعلق رکھنے والے ننھے سوشل میڈیا اسٹار شیراز کو وی لاگنگ سے روکنے کی اصل وجہ ان کے والد نے بیان کردی۔
شیراز کے والد نے سوشل میڈیا پر اپنے ایک ویڈیو بیان میں کہاکہ ان کے بیٹے شیراز کو وی لاگنگ سے کافی شہرت ملی لیکن ان کو اس سے دور کرنے کی کچھ وجوہات ہیں۔
شیراز کے والد کا بہت ہی زبردست اقدام ہے، بچوں کو بچے رہنے دیا جاے اور ان کا بچپن ان سے نہ چھینا جائے، الله اسے زندگی دے پوری عمر پڑی ہے اس کے لیے۔۔۔۔pic.twitter.com/13Ze8aSVVn
— Sabee Kazmi (@SabeeKazmi786) May 19, 2024
انہوں نے کہاکہ میرے بیٹے نے جب وی لاگنگ شروع کی تو اس وقت سیدھا سادھا تھا اور ہر کسی سے اچھے طریقے سے ملتا تھا، لیکن اب اس کے رویے میں تبدیلی آنا شروع ہوگئی تھی۔
شیراز کے والد نے کہاکہ شہرت کی وجہ سے اس کا رویہ تبدیل ہوگیا تھا اور اب یہ لوگوں کو اچھے طریقے سے مل بھی نہیں رہا تھا۔
انہوں نے کہاکہ میں اپنے بیٹے کے پرانے انداز کو واپس لانے کے لیے کوشاں ہوں اور اسی لیے کچھ عرصے کے لیے ان کو وی لاگنگ کرنے سے روک دیا ہے۔
مزید پڑھیں
ان کا کہنا تھا دوسری وجہ یہ ہے کی وی لاگنگ کی وجہ سے شیراز کی توجہ پڑھائی سے ہٹ گئی تھی۔
یاد رہے کہ گلگت بلتستان کے ننھے وی لاگر شیراز کے یوٹیوب پر لاکھوں سبسکرائبرز ہیں اور بڑی تعداد میں لوگ ان کا وی لاگ دیکھتے ہیں۔ اس کے علاوہ ان کو یوٹیوب کی جانب سے پہلے سلور اور اب گولڈن بٹن سے بھی نوازا جا چکا ہے۔